Mystère de saint Étienne

[Le meneur du jeu]

Celuy qui sied au hault palais celicque

Tout gouvernant en gloire supernelle

Vous doint à tous assistens / pacificque

Lyesse. honneur. et santé corporelle

5Et en la fin ayés joye eternelle

Participans des sainctz cieulx vision

De sa presence ayés fruition

En contamplant par grant amenité

Le Herarchies des anges glorieulx

10Regnantz lassus en grande felicité

Au haultain throne par dessus tous les cieulx.

Seigneurs et dames / par grande humilité

Nous vous prions monstrer vostre prudence

C’est / que chascun selon sa qualité

15Prengne son seige / et nous donne audience

Sy ainsy faictes avec bonne cilence

Porés comprandre les parolles et propos

De noz joueurs qui diront par leurs motz

La verité // Et donront à entendre

20Le hault mister entier et veritable

De saint Estienne tres doulx fidel et tendre

Cil qui fust pape et martir venerable.

Il est pour nous vers Dieu bon orateur

Parquoy Sainct Mihiel en est moult honoree

25C’est son patron et son bon protecteur

La dicte ville en est de tous prisée

La mere eglise en est bien decorée

De militer soubz ung tel capitainne

Qui pour nous prie la majesté haultainne

30En paradis. par eupvre vertueuse

Et collocque moult glorieusement

Comme tesmongne l’Esglise que n’est menteuse

Croyre le fault de cueur certainnement

Soubz Valerien l’empereur magnificque

35Souffrit martir comme icy le verés

Pour soubstenir la loy euvangelicque

Plusieurs crestiens en furent laserés

Lesquelz estoient en Jesus demeurés

Soubz saint Estienne. et par luy convertis

40Vivantz en Dieu sans estre pervertys

De faulx tyrans. Mais par humilité

Se sont soubmis à torment et martir

Affin qu’aprés icelle perpelexité

En paradis ilz puissent pervenir

45Prince des cieulx et glorieux monarche

Eslargis nous de tez nobles tresors

Defferme nous la grace de ton arche

Et nous permés qu’en ames et en corps

Puissons jouer chose dont soys recors.

50Amen

Dieu

Humains vivans soubz ma divinité

Confessés moy Pere d’eternité

Qui de tous cas a mon plaisir ordonné

Que suis Dieu seul regnant en trinité

55Tout a creé par mon auctorité

Ciel / terre / et mer. Voyez mes eupvres bonnes

Et que je suis regnant en troys personnes

Dont la premiere est sans commancement

Aussy sans fin à parler proprement

60La seconde est par generation

De la premiere / Il s’entend seulement

Comme puissant / sapient / et clement

Ainscy me plaist sans dubitation

La tierce . faicte est par spiration

65De la premiere et seconde / est conclud

Que tel myster en rien ne nous exclud

De nostre essence et parfaicte unité

D’immensité ne de sublimité

Troys d’ung voulloir sommes incommutables

70Et pour monstrer choses tant mervellables

J’ay creé l’homme à ma similitude.

Mais le malin esprit aux humains rude

Tresdeceptif fut tant qu’il m’offensa

Car il cassa / desrompit / et froissa.

75L'omme inconstant / le mien commandement

Lors fust chassé et banny promptement

Par Cherubin / de paradis terrestre

Lieu sy trés beau que pareille ne peust estre

Fors ciel divin celestiel ou sommes

80Triumphateurs / mais regardant les hommes

Qui par Adam furent mes ennemys

Moy Filz Jesus au monde j’ay transmis

Comme ducteur et propiciateur

Du genre humain. dont je suis createur.

85Or tant a faict vers moy misericorde.

Que par Jesus aux humains paix accorde

C’est leur recteur et leur mediateur

Qui est luy seul du mal reparateur

Que fut Adam et qu’on faict ses consor

90Lequel Jesus jugera vifz et mors

Au dernier jour / ma voulenté est telle.

Michael

O haulte puissance eternelle

À vostre mage majesté divine

Gloire rendons continuelle

95Qui les cieulx et terre illumine

En esperant grace benigne

De sapience supernenellelle

Amour divin noz cueurs incline

Par auctorité paternelle.

Gabriel

100Humains ont joyeuse nouvelle

Voyant qu’ilz sont hors de ruyne

Par vostre filz qu’une pucelle

A enfanté qui tant est digne

Par luy viendront en joye sublime

105Moyennent vostre grace et zele

Ou gist bonté que point ne fine

Precieuse celestielle.

Raphael

O deité haulte immortelle

Dedans laquelle grant grace habonde

110Par vostre bonté supernelle

Avés creé tout ce beau monde

Orbiculaire tout à la ronde

De sainctz cieulx est environné

Tout par vostre puissance monde

115Que la ainsy bien ordonné

Uriel

Facteur des cieulx d’anges et archanges

Honneur vous est atribué

En terre et mer choses estranges

Rien vous n’avés diminué

120Tout vous doit estre approprié

Au ciel empire et cristallin

De puissance estes munifié

Sans commancement et sans fin.

L'empereur Valerian

Puis qu’il a pleu à noz dieux nous eslire

125Chief et seigneur / sur tous ceulx de l’empire

Bien les devons priser et honorer

Estre songneux que leur renom n’empire

À celle fin que leur loy non soit pire

Et qu’on ne faille à les bien reverer

130Selon raison les devons adorer

Leur grant bonté. et vertuz savourer

Aymer sur tout de pensee et de cueur

Chascun se doit bien d’eux s’ennamourer

Ja n’est besoingt de cela ignorer

135Car nostre loy est pleine de doulceur

Ceux qui fauldront ferons par mort occire

Et ceulx aussy qui vouldront contredire

Qu’ilz ne sont dieux / les ferons devorer

Mangier aux chiens / Et livrer à martyre

140Cruellement / s’ilz ne veullent desdire

Que follement ont voulu laborer

De croyre en cil qu’à mort on fict livrer

Entre larrons pour mieulx deshonorer

Luy et les siens maintenent telle erreur

145S’ilz estoient saiges se devroient retirer

Devers noz dieux. Et leur peché pleurer

Pour ensuyvir notre loy de doulceur.

Seigneurs barons. pour en bref le vous dire

Et eviter de tous noz haulx dieulx l’ire

150Aller nous fault au temple les implorer.

Premierement le dieu Mars nostre sire

Car c’est celluy qui nostre bien desire

Et qui noz peinnes nous peult remunerer

À cela faire nul ne doit differer

155Nulz biens sans luy l’on ne peust recouvrer

Nul sans sa grace ne peust avoir honneur

De l’obeir se fault deliberer

Le sien amour nous convient desirer

Car nostre loy est pleinne de doulceur.

160Mes chevalliers. Sans plus rien vous en dire

Et conseilliers. allons tous d’une tire

Nostre dieu Mars d’ung bon cueur adorer.

Soyons joyeulx et nompoint remplis d’ire

C’est nostre dieu qui à salut nous tire

165L’aller servir nul ne doit demeurer.

Je veulx qu’on sache / je le feray1 reverer

Par dessus tout le haultain hemisphere

Raison pour quoy. par luy suys en honneur.

Constitué / Le monarche prosper

170Plus que Pompée Julius ou Tiber

Je tien la loy qu’est pleinne de doulceur.

Princes et seigneurs sans plus en murmurer

Chascun s’aprest d’aller tost honorer

Le grand dieu Mars au temple de valeur.

175Qu’en dict vous seigneurs qu’on doit priser

Estes vous prestes de vous y accorder.

À nostre loy qu’est plainne de doulceur.

Nemesius

Monarche invincible empereur

Sur tous les royaulmes du monde

180Tresgrande urbanité habonde

En vostre excellente haultesse

Quant vers moy s’encline et s’abaisse

Demander mon opinion

J’entens et dis d’afection

185Que vostre ordonnance ce face

Et que nous ensuyvons la trace

De la vostre magnificence

Remplye de bonté et clemence

Quant serés prest de partir

190Nous voulons tous bien consentir

Faire vostre commandement

Et s’il y a aucunement

Aucun qu’à ce soit diferant

Se rendre à vous obeissant

195Il doit estre tost corrigé

Et de vostre ordre desrangé

Avec grosse pugnition.

Vostre dieu Mars bon champion

Doit estre par vous honoré

200Et par voz suppos reveré

Plus qu’un aultre dieu primerain

Vous estes seigneur souverain

Selon vostre institution

Vous a en exaltation

205Constitué / le haultain prince

De nostre region et province

Parquoy vous dis en verité

Que vous devés estre assisté

De tous voz princes et seigneurs

210Trés les plus grantz jusques au mineurs

Et aller par belle ordonnance

Selon le degré et puissance

Que le dieu Mars vous a donné

Olimpius

Je suis prest et habandonné

215Prince puissant plain de clemence

Faire comme avés ordonné

Par la vostre hault ordonnance

Puys que voulés par reverance

Le haultain dieu Mars honorer

220Je m’en iray tost preparer

Avec la tresgrant puissance

Des rommains qui pour demeurer

Ne prandroient richesse ou chevance

Celluy payen qui est en eage

225D’ensuyvre vostre majesté

Doyt par bon vouloir et couraige

Honorer la divinité

D’icelluy dieu / ou molesté

Estre / par torment exsecrable

230Avec peine intollerable

Sans point avoir remission

Tenir fault ledict veritable

Et vela mon oppinion.

L'empereur

Qu’en dict vous mes conseilliers soubtilz

235De mon voulloir . Dont je suis en pensee

Vous entendés les causes et les motifs

Viendrés vous point à la noble assemblee

Publicquement et nompoint par amblee

J’entens et veulx que mon command soit faict

240Cil qui sera refusant au dict faict

Par coutumasse. Le feront condempner

Et cy seront desmembrés en souhait

Pour une exemple à ung chascun donner

Galienus

Prince puissant pour imiter

245Vostre noble commandement

Je feray mon cas aprester

En tresbonne ordre diligemment

Je ne vouldroye aucunement

Transgresser la vostre ordonnance

250Pour ce qu’elle est divinement

Inventee par grande clemence

Voz nobles plaisirs et deduictz

Monstrent la voulenté leale

Que vous avés tant jours que nuyctz

255Par la vostre bonté regale

Le perfaicte amour cordiale

Dont aymes Mars Dieu de valeur

Vous donne siege majestrale

Et vous esleve en hault honneur

260Chascune foy et à toutte heure

Que vostre bon plaisir sera

Nous yrons tous hardys sans peure

Et vostre vouloir se fera

En tresbonne ordre s’achevera

265Ainsy que l’avés ordonné

Celluy qui n’y comparera

Doit bien estre à torment mené

Prince a tout honneur adonné

Chascun vous doit craindre et aymer

270Vous estes le mieulx fortuné

Qui soyt regnant sur terre et mer.

Maxime

Je vous doys bien seigneur clamer

Et faire chose que à vous plaise

D’honorer Mars j’en suys trés aise

275Et est bien advisé à vous

Mars saulve l’honneur d’eux trestous

Sans touteffoys voulloir reprendre

Mes bons seigneurs dont suis le mendre

Qu’ont par cy devant opiné

280Et tout le cas bien demené

Je seroye d’avis et d’acort

Affin d’avoir meilleur support

Faire crier publicquement

À son de trompe ou aultrement

285Par le joly Trotemenu

Que vouloir vous est survenu

Visiter le temple de Mars

Et qu’y serche de touttes pars

Aucuns souldars bien redoubtés

290Par tous voz faulx bourgs et cités.

Venir à vostre mandement

Pour livrer crestiens à torment

Qui sur ce seront refusans

Et vous voyrés qu’obeissans

295Seront tous ceulx de vostre empire

Synon. vous les ferés occire

Piteusement et en publicque

Pour demonstrer leur loy inique

Qu’ilz ont. d’adorer leur Jesus

300Puis aprés sy vous font refus

Vous ne ferés pugnition

Ayant sur eulx maintancion

Et les tous par mort debeller

L'empereur

Maxime grand on vous doit appeller

305Entre les hommes le plus saige et prudent

Treseloquant estes pour bref parler

De grande audace / en voz ditz evident

Vostre responce vault mieulx qu’or ou argent

Comme il me semble respondés par raison

310Je suis d’avis prandre ung de ma maison

Luy commander que par Rome s’en voyse

Faire ung edict d’eloquante oraison

Et me nommer ceulx qui luy feront noyse

Maxime

Pour decorer vostre nobillité

315Vostre povoir et vostre habilité

Ayez vouloir les crestiens envehir

Deployez y vostre subtilité

Sans de leurs faictz en rien vous esbahir

Vous les devez mortellement haÿr

320De grant couraige et d’un cueur despité

Ainsy que chiens sans en avoir pité.

L'empereur

Je veulx homme d’agilité

Pour bien ceste entreprinse faire

Et qu’au faict ne demeure gaire

325Trote-Menu aproche toy

Tu m’a tousjours promis ta foy

Que me serois bon2 serviteur

Pour ce que tu es ung facteur

De mettre en execution

330Le faict et la legation

Que te donne pour voyager

Par my Rome te convient renger

Sercher souldars vallans hardis

Les plus perverses / faulx et mauldis

335Par tout ou les poras trouver

Affin de les tous approuver

Et les recepvoir à mes gages

Paiés seront comme mes pages

En me servant lealement

340Pour toute affaire proprement

Ou je les vouldray amploier.

Trotemenu. Messagier

Honoré prince. humilier

Me veulx vers vous comme mon maistre

Qu’estes assis en ce theatre

345Haulteinement comme seigneur

Constitué. Et empereur

Par dessus tous aultres monarches

Serve à vous suis de faire marches

Pour vostre vouloir acomplir

350Prest m’an voys sans point faillir

Faire vostre commandement

L'empereur

Fais ton exploit diligemment

Et garde mes dictz transgresser

Ou je te feray redresser

355Que jamaiz ne seras bel homme.

Trotemenu

Puis qu’evellé suys de mon somme

Prest je suys de tracasser

De voyaiger ne veulx cesser

Pour souldars trouver sy je puis

360Qui seront à mal faire induicts

Et les feray tost cy venir

Pour l’empereur entretenir

Touttes les foys que je chemine

C’est raige comment je choppine

365De chanter ne me puis tenir

Sçavés que m’y faict fornir

De peur d’en trouver la ruyne

Il n’est chose que ne se myne

Je le sçay bien pour ma boutelle

370Que j’ay huy bien tyré l’aureille

Puis le matin et mise à vente

Je ne doubte qu’elle s’evente

Car plus n’y a ne vin ne moust

J’ay tant faict que j’en suis au boust

375En mon chemin comme il me semble

Je voy ung laboureux qui tremble

Ne sçay sy c’est de peur ou froyt

Il me convient le chemin droyt

Tenir pour l’aller saluer

380De loing je le voy remuer

Et me semble este bon preudhomme

Combien que d’argent grande somme

N’a comme croy en sa taniere

Sy à il grande gibassiere

385Pour soustennir argent et or

S’il ne l’a mis à ung tresor

Perdus sera je vous affie

Il ne semble avoir industrie

Pour en amasser ung grant tas

390De puis son pere le trespas

Ne fust je croy trop bien traité

Viença preudhomme mal appointé

Tu me semble tout estourdis

Et ung homme du temps jadis

395Selon l’acoustrement de teste

Es tu ung homme ou une beste

Que veulx tu dire pour ta deffence

Me sçauroys tu par a3 science

Aulcuns souldars tost enseigner

400Pour au service sejourner

De Valerian l’empereur

S’ilz estoient hommes de valeur

Hardis puissantz bruyant sur dure

N’auront la peine que tu endure

405Et les feray bien ordonner.

Le laboureur

Demandez vous à desjuner

Monsieur. Ou pain de me besace

Il m’est advis à vostre face

Que de juner estes tanté

410Reposés vostre humanité

Au prés de moy tout à loysir

Je vous iray pour vo plaisir

Querir de l’eaue à la fontaine

Trotemenu

Je te donne fiebvre quartaine

415Je ne parle point de cela

Le laboureur

Tenés. ce morseau de pain la

Tandis que seray de retour

Je n’ayme dame par amour

Tant fust elle bien adoubee

420Et de grand beaulté acoutree

Que l’eust ma foy plus tost que vous

Trotemenu

De male rage / et de la toux

Puisse estre ton corps apprové

Je te dis sy tu as trouvé

425Quelqu’un adventurier fuant

Pour l’ammener tout maintenant

À Valerian l’empereur

Le laboureur

Ma foy vray est de mon labeur

J’en ay huy faict jour ou demy

430Moy et mon frere Cola Remy

N[ous a]vons faict ung beau partaige

Present tout nostre parentaige

Aprés la mort de mon feu pere

Trotemenu

Morir puisse de male guerre

435Je perd mon temps et ma journee

D’ecouster la grant retournee

De ce sourdault cy le villain

Le laboureur

Il y aura ung an demain

Que nous fismes son hault service

440Nostre curé heust la genice

Que me venoit pour mon partaige

Nous heusmes le meillieur potaige

Que jamais puissés vous manger

Je n’avoye gard d’y songer

445Tandis que maix estoient sur table

Au vieulx lassoie conter leur fable

Et me mestoys à gringnoter

Et pour la verité conter

La moustarde estoyt aussi drue

450Comme la merde d’anmy la rue

Piece de beufz et de sanglier

Grosses estoient comme mon soullier

Et pour refrechir nostre pance

Les aulx estoient en habondance

455Comme les glaiz sont es fosses

Dieu aye l’ames des trespassés

Vous ne vid oncques en vostre vie

Sy belle et ample compaignie

Mon oncle / ma tante / et ma cousine

460Le maire y faisoit la cuysine

D’ung gras porceau qui estoyt mort

De plorer ja n’avoye pas tort

Et me fict on grant deulle mener

On commança à sermonner

465Pour declairer nostre lignaige

Je vous prometz que c’estoyt raige

De mon pere le trespassé

Je dye requiescant in pace

Au boust de table per mon ame

470Sy me voulliés donner la drame

À boyre dans vostre boutelle

Ma foy je vous diroye marvelle

Que nous fismes à ce festin

Trotemenu

Qui vouldroyt avoir bruyt hutin

475Se villain en donroyt assés

Je croy que mes gens sont passés

À qui me convenoit parler

Se fol cy me vient barbou[i]ller

Tout au contraire de ma demande

480N’estoyt doute de paier l’amande

Je luy heusse rompu la test

Il me vient parler de la feste

Qu’on fict à l’obit de son pere

Mais mon chemin me fault grant ere

485Prandre dever sollelle4 levant

Sçavoir sy trouveray l’enfant

Qu’on m’a dict qu’estoyt cy hardy

Le premier cardinal

Mes devotz freres et bons amys

Les faulx parens et ennemis

490De JesusCrist nostre saulveur

Par le vouloir de l’empereur

Cruellement et sans rayson

Ont Lucius en sa maison

Occy meurtry decapité

495Qui estoyt homme d’equité

Juste et devot moult craindant Dieu

Lequel n’avoit tenu le lieu

Du sainct papat. gaire plus d’un an

Mais l’empereur Valerian

500Remply d’envie sur les chrestiens

L’a faict par ses soultiz moyens

Occir par son iniquité

Qu’est en l’Esglise tresgrand pité

La veoir ainsy oppressee

505Bon seroit selon ma pensee

Eslire entre nous ung pasteur

Qui soyt [illisible]5

De bonne juste et saincte vie

Sachant nostre cerimonie

510Que nous tenons en saincte Eglise

Puis par aprés en bonne guise

Sera posé triumphamment secretement

Comme à tel office appartient

Le second cardinal

Mon frere ainsy faire convient

515Comme vous l’avés devisé

Le cas est mout bien proposé

Pour entretenir la maniere

Mode et usaige seculiere

Comme on a faict le temps passé

520Nostre bon pere est trespassé

Qui sy bien gouvernoyt l’Eglise

En sa droicture. et en franchise

Pleurer devons du partement

De son martyr entierement

525Ne reste plus faire devoir

De ceste dignité pourvoir

Et prandre ung homme souffisant

Saige / discret / et eloquant

Pour nous regire et gouverner

530Et la loy de Jesus mener

Par saincteté sans fraction

Faisons devote election

En invoquant de Dieu la grace

Pour trouver le lieu et la trace

535De celluy qui sera propice

De bonne vie et sans malice

Pour soubstenir la povre Eglise

[Troysiesme] cardinal

Je croy que puys le temps Moÿse

Le monde ne fust sy mal induict

540À mal penser contre ledict

De JesusChrist nostre saulveur

Parquoy nous fault de grant ferveur

Subitement et en peu d’heure

Serchier subit / et per labeur

545Ung pontificque souverain

Qui aye totalement en main

Le digne estat spirituel

Selon le vieulx don mutuel

Quon souloyt user en l’Eglise

550Et y besongner sans faintise

Sans estre accepteur de personne

Quoy faisant la voyx que resonne

Souventefoys au haultain cieul

Nous pora donner en ce lieu

555Quelque bon advertissement

Prions donc Dieu devotement

Puis qu’à luy devons noz cueurs mettre

Qu’il nous donne tantost congnoistre

Celuy de nous qui est propice

560Administrer le sainct Service

Devant sa haulte majesté

Nous luy donrons auctorité

Par vertu de l’election

Qu’il aura indication

565En l’eglise patriarchale

Pour cest empereur deleale

Admonester par bons propos.

Le quatriesme Cardinal

Messeigneurs j’entans bien voz motz

Que sont sprituelz et bons

570Pour obtenir de Dieu les dons

Qui distribue au bons par grace

Nous luy venons prier qu’il face

À noz ames misericorde

Affin que ung chascun s’acorde

575Pour ceste entreprinse perfaire

Il nous fault donc à Dieu complaire

Par une oraison tres devote

Et luy chanter à hault note

Une anthienne devotieuse

580Dedans l’eglise presieuse

Pour invocquer s’amour et grace

Que son vouloir / plaisir se face

Nous inspirer et advertir

D’ung qui ne craindra le martir

585Pour se sainct papat gouverner.

Le premier cardinal

C’est tresbien dict / sans sejourner

Alons au temple de Jesus

Qui est erigé la dessus

Et la de bon cueur pacifique

590Invocons son nom deificque

Pour vray je croy certainnement

Qu’il nous envoyra clerement

Bonne nouvelle et en secret

L[e] second cardinal

Allons y donc puis qu’en sy est

Le tiers cardinal

595Allons :6

Le quatriesme cardinal

Allons y donc tretous allons

Je ne veulx demeurer derrier

Venés ça venés marellier

Prenés la croix alés devant

600Devotement / non en riant

Mais per tresgrande modestie

Prier venons Dieu et Marie

Qu’ayons d’eux revelation

Pour faire nostre election

605Selon la voie du sainct Esprit

Le marllier

Vecy l’anthienne par escript

Que je porte dessoubz mon bras

La croix l’encens et aultre cas

Pour nostre faict sollemniser

Le quatriesme cardinal

610Dieu nous pora tous adviser

En l’invoquant devotement

Et nous donra divinement

La congnoiscence que nous querons

Per ainsy joieux nous serons

615Comme j’espere en bonne foys

Marchés devant avec la croix

Affin que chascun l’aparçoyve

Le marllier

Sy ainsy est que on reçoyve

De Dieu quelque voix angelicque

620Y faudra il faire replicque

Subitement / Et audict lieu

Le premier cardinal

Vecy le sainct temple de Dieu

Entrons pour faire nostre debvoir

Affin d’entendre le vouloir

625Que Dieu fera sur l’oraison

Le premier cardinal

Seigneur Dieu qui chambre et maison

Des cueurs humains congnoys assez

De sces te prier il est saison

Pour nous donner icy raison

630Du faict dont sommes amasséz

Tu scez bien que ses jours passéz

Celluy qu'estoit de nostre nombre

Lucius dut. fust par accéz

Posé avecquez les trespasséz

635Par martir et mortel encombre

Seigneur. De ta grace nous obumbre

En demonstrant per faictz ou signe

Auquel de nous tous tu assigne

Pour gouverneur du sainct papat

640Sus messeurs selon nostre estat

Invoquons la grace de Dieu

En chantant icy en ce lieu

Tost. Veni sancte spiritus

[Le premier cardinal, Le second cardinal, Le troisième cardinal, Le quatrième cardinal, Le marllier]

Veni sanctem Spiritus reple tuorum corda fidelium et tui

Amoris in eis ignem accende qui per diversitatem

Liguarum multarum gentes in viritate fidei congregasti atta. atta.

Dieu le père

Messaigier du throne divin

645Michiel archange glorieux

Descendés les cieulx lumineux

Plains de lyesse incomparee

Et à l’esglise preparee

Vous convient subit transporter

650Pour la compaignie conforter

Au temple de mon filz Jesus

Là trouverés sans nulz abus

Cardinaulx en devotion

Attendent revelation

655De nostre deité haultaine

Sur leur election certaine

Qu’ilz desirent obtenir de nous

Vous leur dirés qu’entre eulx tretous

Soit ung esleu nommé Estienne

660Natifz de la lignié ancienne

Procreé des nobles romains

Et pour ce qu’ilz soient plus certains

Le trouver tost et promptement

Ilz yront tous hativement

665Le trouver hors de son repaire

Ou du monde se veult retraire

Affin qu’i ne tombe en ruyne

Michiel

O saincte majesté divine

Qui toute chose prenés en cure

670Selon que bonté le procure

Sans jamais fin ne terme avoir

Au cardinaulx feray sçavoir

Vostre divine volunté

Michiel

Fermes piliers et filz de saincte Eglise

675Ou de Jesus la foy est bien assise

Dieu tout puissant par moy vous faict sçavoir

Qu’à Romme avés homme de bon voulloir

Nommé Estienne. de grande progenie

Homme devot menant tressaincte vie

680Il vous commande que l’aiés à eslire

Affin de vous. en grant bonté conduyre

Lequel trouver porés facilement

Disant ses heures devotieusement

Prés sa maison comme ung homme paisible

Le premier cardinal

685Pere eternel. Roy incomprehensible

Qui habités au lieu inaccessible

Quant au vivans. c’est le ciel reluisant

Vostre povoir est si trés excessible

Qu’il n’y a rien que ne vous soyt possible

690Pour le perfaict de vostre exaucement

Nous congnoissons ton voulloir plainnement

Plainnement Que ton plaisir s’adresse journellement

Nous proverquer par ton ange invisible

Aller eslire Estiene à ung moment

695Pour posseder le sainct siege humblement

Je croy qu’il ne nous sera point nuysible

Or sus mes freres le vray Dieu immensible

N’a point fally divinement7 monstrer

Cil que devons eslire pour ministrer

700Les dignités de nostre mere Eglise

Allons d’acord à luy et de main mise

Le colloquons au lieu pontificale

Dedans le temple et maison cathedrale

Comme du temps jadis on a usé

705Le coronner comme avons proposé

Ainsy que sont les sainctz peres vestus

Et que trouvons par les vieulx estatus

Puis chanterons. Te deum sollenel

Le second cardinal

Il m’est advis se seroit le plus bel

710Sans nul demeure ou prolongation

De bon cueur faire / cy nostre oblation

Premierement et avant toute aultre eupvre

Et puis aprés partirons de bonne heure

Tretous ensemble soubz la conduit de l’ange

Le tierce cardinal

715Nous venons tous à Dieu rendre louange

Puis qu’ainsy est qu’avons heu vision

Du haultain throne. ou per fruition

Les bien heurés voyront Dieu face à face

Prions luy tous que sa marcy nous face

720Et que trouver nous puyssons tost Estiene

Pour le poser selon la loy crestienne

Comme par l’ange a esté declairé

Le quatriesme Cardinal

Or sus marllier que le lieu preparé

Soit maintenant et qu’il n’y faille rien

725De tout bien faire trouver fault le moyen

Le grand autel et sancta sanctorum

Dire Deus in adiutorium

Et preparer calix / draps / ornementz

Croix benoitier et les ciergges ardentz

730Honnestement le tout bien appointé

Pour recepvoir celluy de grand bonté

Que l’ange a dict par revalation

Messeigneurs sans longue narration

Aller nous fault cercher nostre adventure

735Le bon Estiene de noble noriture

Pour le poser au siege pontificque

Le marllier

Seigneurs. allés querir le magnificque

Devotement prepreray l’aultel

Je croy pour vray de loing temps n’en fust tel

740Comme est celluy que vous voulés choisir

De Dieu louer c’est son tressainct desir

Comme l’on dict. et de l’Eglise aymer

Le premier Cardinal

Homme venet / par la haulte excellence

De Dieu. venons pour toy munifier

745D’ung haultain tiltre de grande preference

Sans nul refus. te fault humilier

Le plasmateur te veult purifier

Et declairer par revelation

Que tu seras per nostre election

750Pape posé par voix spirituelle

Point ne refuse la presentation

C’est de Dieu grace immense et immortelle

Le second Cardinal

D’avis nous sommes la chose est telle

Que vous serés nostre pasteur

755Il plaict à Dieu le createur

Comme sçavons en verité

Parquoy fault per humilité

Rendre à Dieu grace et grant louange

Nous fumes informés par son ange

760Qui nous declaira par son ange hautement

Le dict de Dieu moult plainement

Qu’ainsy l’avoit il ordonné

Que par nous vous fussiés mené

En l’eglise pour coronner.

Le troiziesme Cardinal

765Pour sainteté mieulx ordonner

Vous convient ou nous tost venir

Et puys apprés à l’advenir

Posé serés en la chayre

Papale. ou fust monseigneur sainct Piere

770Selon de Jesus l’ordonnance

Or sus. chascun de nous s’avance

Pour le conduyre honnestement

Au lieu preparé divinement

Ou son siege est apreté

Le Quatriesme Cardinal

775C’est ung siege d’amenité

Le lieu ou vous voulons poser

Les anciens l’on faict composer

Selon l’ordonnance de Dieu

Vous serés seigneur dudict lieu

780Chiefz et prelat de saincte Eglise

L’office duit je vous advise

À ung tel bon prelat que vous

Vous serés nostre / et nous à vous

Joyeulx en suis je vous affie

785Ferme soyez en saincte vie

Puis que le vouloir deificque

Et l’election sans traficque

La mené per devotion

Aussy par revelation

790En vous presentant tel honneur

Comme à ung homme de valeur

Pour en user paisiblement

Et nous ayder semblablement

De tout vostre cueur et courage

795Et par ainsy hors de servage

Nous metterés en assurance

Aydant de Dieu la confidance

Sans laisser nostre ordre imperfaict.

Sainct Estienne

Messieurs regardés mon estat

800Et la charge que presentés

Vous ne serés point contantés

D’avoir ung simple personnaige

Qui n’est sçavant docte ne saige

Pour tel office entretenir

805Ung aultre tresmieulx maintenir

Se sçairoyt en tel gros affaire

Pour Dieu ausy à vous complaire

Devriés eslire assurement

Affin vous oster de torment

810Et grande facherie mondaine

Vray est que la voye est certaine

Pour rendre l’ame et corps à Dieu

Mais me vauldroit mieulx en ce lieu

Vivre ung petit en povreté

815Que d’estre en quelque parplexité

Pour les biens mondains posseder

Mais pour vostre faict proceder

Affin que l’Eglise vagante

Ne soyt en la mer fluctuante

820De ce monde ainsy miserable

Selon le contenu notable

Que Dieu vous a voulu conduyre

Au bon Jesus me veulx reduyre

Remarcyant de ce grant bien

825Que me vient par son sainct moyen

Du quel je ne me tiens pas digne

Mais puis qu’avés heu de Dieu signe

Et revalation de l’ange

Au bon Jesus en rend louange

830Et à toute la Trinité.

Le premier Cardinal

Or sus en la fraternité

Vous convient conduyre et mener

Pour au sainct lieu vous coronner

Comme à tel cas il appartient

Le second Cardinal

835Allons y donc. à moy ne tient

Pour l’honneur de Jesus allons.

Le tierce cardinal

L’heure du jour nous retardons

Puis qu’avons trouvé nostre proye

Le quatriesme Cardinal

Nous devons tous mener grand joye

840De se joyeux advenement

Ce sera nostre exaucement

Et Dieu l’a faict pour le mellieur

À la conduite du doulx saulveur

Et en sa garde convient aller

Sainct Estiene

845Vous sçaurés bien tout demeller

Cen qu’avés faict et ausy dict

Selon la voye du sainct Esprit

La tien au nom du doulx Jesus

Le premier Cardinal

Or allons donc sans nulz refus

850Et sans plus icy demeurer.

Le premier Cardinal

Seigneur amy vecy le lieu

Bien ordonné pour servir Dieu

Et nostre Mere saincte Eglise

Requerés Dieu par bonne guise

855Et cy faut vostre oraison

Comme prelat / c’est bien raison

Coustume le veult et l’usaige

Approchez vous prudent et saige

Voyés assis en la chaiere

860Ou fust jadis Monsieur sainct Piere

Regent l’Eglise en prelature

Pour vostre premiere adventure

Et vous munir des sainctz habis

Sur icelluy blanc superlis

865Porterés ceste aulbe tant digne

De joye tout mon cueur enlumine

Vous regardent de mes deux yeulx

Vous porés porter en tous lieux

Cest amy / fenon / et estole

870Et vous dis en brefve parole

Avant que de vous j’en eschappe

Vous vestiray de ceste chappe

Lucius le predecesseur

Sur son chief portoyt par honneur

875Se vestement qu’on dit theaire

Pour vous honorer et complaire

Vous en fais don aussy present

Affin qu’ayés entierement

Voulloir de nous bien gouverner

880Et saincte Eglise demener

Comme ung bon sainct pere de Rome.

Le second cardinal

Vecy la crosse valant grand somme

Que luy present d’ung tresbon cueur

Aultrez prelatz de grant valeur

885L’ont gouverné bien saigement

Je prie le Dieu du firmament

Vous donner grace et bon vouloir

Par sa puissance et son9 povoir

En faire comme il appartient

Le tierce cardinal

890Ce n’est pas moy à qui il tient

qu’à luy ne soit faict reverance

Pour sa debonnaire prudence

Luy donne anneau à la main dextre

Et sy serés seigneur et maistre

895Par tous les temples des crestiens

Le quatre cardinal

Present vous faiz de tous mes biens

Pour vous ayder et soubvenir

Dieu vous a faict cy pervenir

Pour l’utilité de nous tous

900Parquoy devons honneur à vous

Selon raison et equité

Prelat plain de maturité

Vous tenons par la congnoyscence

De la souveraine clemence

905Venant du glorieux Jesus

Chantons Te deum laudamus

Pour sa digne reception

Sa sainte benediction

Recepverons par compaign[i]e.

Sainct Estiene

910Dieu souverain et puissance infinie

Essence unie en vraye Trinité

Point ne denie à la mienne armonie

De foy garnie estre en tes cieulx fornie

Pour estre ouÿe à ta grant deité

915Divinité joincte à l’humanité

En unité Dieu Pere createur

Christ salvateur. esprit consolateur

Dieu seul autheur ouvre tes cieulx et veois

Grace et mercy que rend ma langue et voix

920Bien humblement te dois regracier

Et mercier de tes divins accordz

Quant il t’a pleu pour ton nom anoncier

Te soucier de l’homme apprecier

M’associer avec les consortz

925De saincte Eglise / au lieu celluy qu’est hors

Par vray martyre et peine capitale

Dict Lucius / ton supost cordiale

Et le plus simple de nous a voulu prendre

Tel que je suis / dont graces t’en doys rendre

930Prince puissant de toy regracier

Je suys tenu. moy povre creature

Me rendre à toy pour toy glorifier

Je suis ton serve et ta povre facture

Qui suis de terre retourné en poriture

Le premier Cardinal

935Puis qu’il a pleu à Dieu nous10 tant aymer

De nous donner par son divin miracle

Ung devot homme pli pour nous plus enflammer

Et nous armer / de foy. et confermer

Nous enfermer / convient en ce cenacle

940L’esprit paracle serat au tabernacle

Qui par oracle en vision certainne

Nous gardera de torment et de peinne

Contre ses turcs et maleureux paiens

Mais que soyons fidelz et bons crestiens.

Sainct Estienne

945Sy d’assurance trouver voulés moyens

Retourner fault à celluy de lassus

Nostre saulveur. et redempteur Jesus

En luy priant qu’il nous aye en sa garde

Le second Cardinal

Quant à nostre faict je regarde

950Voz dictz sont bons. Et cas louable

Et comme personne notable

Avez icy bien advisé

Mais l’empereur a proposé

En son grant conseille retrain

955Et comme cruel inhumain

Que tous crestiens soient à mort mis

Par ses bourreaulx et commis

Si Dieu ne nous vient conforter.

Sainct Estienne

Pour les humains fragilles suporter

960Le filz de Dieu sa voulu transporter

Au mortel monde / et prendre chair humaine

En une Vierge / Et par luy apporter.

Nostre salut. Et en la croix porter

Griefve doulleur et treshorrible peine

965Puis souffrir mort cruelle et inhumaine

Purgeant noz maulx / crime / vice / et laidure

Nous donnant place au triumplant demainne

Celestiel / ou joye est trescertaine

Bien infiny gloire qui tousjours dure

970Ung vroy crestien vertueulx qui endure

Mal pour aultruy par tresardante ardure

De vive amour monstre l’afection

Qu’il a vers ceulx à qui grace procure

Lesquelz subgectz sont prendre peine et cure

975Le desservir / par ferme intencion

Ainsy a faict pour la Redemption

D’humanité. JesusCrist qui couraige digne et saige

Voullant A heu souffrir cruelle passion

Pour noz meffaictz / et retribution

980Ne veult de nous / fors l’aymer de couraige

Le bon Jesus n’a point faict le dommaige

Que disons. Mais / comme innocent parfaict

Il s'a soubmys à reparer l’ouvraige

Tresmal basty. c’est ung grant advantaige

985Pour ceulx qui l’ont par mauvais conseil faict

Mort a souffert / Et pour aultruy meffaict

Bon JesusCrist c’est de toy que parlons

Le genre humain par ta mort est reffaict

Que l’ennemy de nature deffaict

990Avoit / Du tout soustenir le voullons

Au lieu de joye et de soulas allons.

Aprés la mort ainsy le fault entendre

Mes chers seigneurs. et plus ne devallons

Au lieu de pleuré / se bien nous bataillons

995Contre peché qui ses filetz veult tendre

Journellement desirant nous surprendre

Pour nostre bien et sallut destourner

Quand contre Dieu voulloir avons mesprendre

Considerons que sommez faictz de cendre

1000Et qu’il nous fault en cendre retourner.

Princez et seigneurs tousjours sans sejourner

Servir devons la puissance divine

Qui par bonté et sa grace benigne

À sa semblance nous a formez et faictz

1005Nous pardonnant les vices et lez forfaictz

Que parpetrez nous avons et commis

L’urbanité de luy nous a permis

Ainsy regner en la foy catholicque

Soubz la puissance du siege apostolicque

1010Par quoy chascun le doit tresbien louer.

Le troyziesme cardinal

Pater sancte. desavouer

Ne vous voulons aucunement

Mais seroit bon subitement

Nous retirer tost à ceste heure

1015Pour eviter la grand fureure

De l’empereur Valerian

Le. 4. Cardinal

Je dis premier qu’il soit ung an

Les crestiens auront à souffrir

Et le ferat tretous perir

1020Par glaive et diverses tormentz

En quelque lieu qu’ilz soient absentz

Parquoy nous fault retirer.

Saint Estienne

De moy je te veulx differer

Vous soubvenir de mon sçavoir

1025Mais de l’empereur. le povoir

Je ne le crain aulcunement

Je crain mon Dieu tant seulement

Qui me peust saulver ou dampner

Puis qu’aller fault sans sejourner

1030Allons à la garde de Dieu

En quelque obscure ou povre lieu

Ou soubz une povre maison

Pour Dieu prier en oraison

Comme bons crestiens doivent faire

Lucifer

1035Dyables infectz. esperitz tresiniques

Anges mauvais / et monstres draconicques

Dyables malings saillez des infernaulx

Ouvrés chaos et chartres tyrannicques

Ouvrés voz puys abismes plutonicques

1040L’ovrés en l’air tant par montz que par vaulx

Dyables mauldictz. enragés / plains de maulx

Les plus mauldictz de tous les animaulx

Reduictz sans fin en ce val de discorde

Venéz meschans entendéz mes appeaulx

1045Approchez vous en tourbe et par trouppeaulx

Tant que mes dictz dampnables vous recorde.

Sans nul espoir d’avoir misericorde

Au lacqz d’Enfer lequel misere y corde

À tout jamais nous sommes condampnéz

1050Et expulséz de la joye et concorde

Des cieulx haultains pour en bisme tresorde

Faire seiour au nombre des dampnéz.

Dyables tombéz et en ceste tournéz

Vostre visaige horrible retournéz

1055Vers moi qui suys des infernaulx le maistre

Loups ravissans fouldroyéz et tonnéz

Approchéz tost, ne soyéz estonnéz

Pour à mes dictz. souldain remede mettre

Clos à jamais dens le centre terrestre.

1060Viendrez vous point à mes cris et aboys

Sortez au feu de nostre infernal estre

Par mes haultz cris vous povez bien congnoistre

Que c’est à point que complaindre me doys.

Harau / harau / Nul de vous je ne voys

1065Sy ne venés, desesperer m’en voys

Dyables mauldictz / dyablesses / dyabletons

Courez en l’air / transverséz champs et boys

Fouldre gettéz accordante à ma voix

Approchez tost dyabolicques luytons.

1070Chien Cerberus en ta griphe metons

Les clefz d’abisme / et si te permettons

Ouvrir d’Enfer les lieux abhominables.

Laisse bondir par horribles et bas tons

Les basilicz et infernaulx bastons

1075Pour appeler à moy tous les dyables.

Ceberus. Portier d'Enfer.

Prince infernal, telz propos tresaffablez

Me font donner au cueur rejoyssance

Le marcyant de la grande puissance

Que tu me donne sur les dampnés, Pluton,

1080De mon povoir et en diverses tons

Feray sonner nostre profond palus

Jusques au centre ou se tient Tantalus

Le tout soubz ton haultain povoir et nom

Voir tellement que ton cruel renom

1085Donra secours es peines perdurables.

Lucifer

Laisse sortir le chiefz des miserables

Le fier Sathan pour me donner secours

Leviathan, sors hors de noz estables

Demogorgon, pere des dieux effables

1090En fouldre et feu, accours le grant cours

Beelzebuth / Sathan, estes vous sourdz

Thesiphona / Megere / Alecto seurs

Eumenides / de vous-même contente

Bezith / Galath / truculant comme iours

1095Asmodeus avec les gros piedz lourds

Artisant feu de luxure vehemente

N’oyés vous point comme je me lamente

Toy Fergalus d’approcher te tormente

Et Burgibus aussy pareillement

1100Fier Astoroth à la gueule fumant

Appolyon plein d’euvre exterminante

Tout vif esprit montre toy promptement

Vien Mammona remply d’enchantement

Ascalaphus, chahuant, laid visaige

1105Vous dyableteaulx, sailléz appertement

Panthagruel / Phyton sembablement

Venés moy tous enchaisner car j’enraige

Dont mon torment devient coup à coup rage

Aspicz malings, santés la terre fendre

1110Sailliéz mauldictz de la fosse d’oultrage

Santés voler escler, fouldre et orage

Approchéz tost mon cry, venés entendre

Sathan

Prince d’Enfer. tes cris as faict estendre

Sy tresavant qu’ilz sont venuz descendre

1115Jusques au fons des noires regions

Noz vilz manoirs tu as presque faict fendre

Que te fault il / es tu prest de te pendre

Dyables sont hors par grande legions

De quoy veulx tu que ta rage allegions

1120Quocu remply de putrefections

Ton hurlement et ta voix encombreuse

Tes cris pervers / tes exclamations

Font esmouvoir dampnables nations

En delaissant la chartre tenebreuse.

Belial procureur d'Enfer

1125Dans ce barathre. et val de mort umbreuse

Dragon mauldict / par ta face orgueilleuse

Sommez tombés de la gloire des cieulx

Que pour nous fust semence bien scrabreuse

Car à jamais en palus salebreuse

1130Serons plongez en ces lieux perilleux

Tu es sur tous en pechés merveilleux

Tu es le roy et chef des orgueilleux

Tu es celluy par qui sommes en serre

Tu es banny du siege glorieux

1135Tu es subget d’enclinéz tes faulx yeulx

À tout jamais pour regarder la terre

Astaroth

Pluton flambant en fouldre et en tonnerre

Oyans ta voix et ensuyvans ton erre

Tout promptement nous venons devers toy

1140Dis nous pour quoy tu meine telle guerre

De tes haultz cris chascun se veult enquerre

Pour ton secours ainsy que nostre roy

Noz infernaulx tombent en desarroy

Et sy pour nous mal haste le charroy

1145Enflé crapault / serpent abhominable

Aspic pervers ne t’en prens dessu moy

Dyables mauldictz viennent à ton convoy

Et à ton cry qui est tant excecrable.

Belzebuth

Que te fault il mastin irraisonnable

1150Abhominable villain, puant infect

Panssu goulu, esprit insatiable

Increable, infame, dampne dyable,

Villenable (qu’est ce) que t'a l'en faict

Par toy a vous en contre Dieu forfaict

1155Dont souffrons maulx plus qu’on ne sçauroit dire

Prens tu plaisir à nous venir mauldire

P Puante trongne, sac plain de poriture

De tormenter dyables [c'est]12 ta nature

Orde lesarde, aspicqz venimeux

1160Pour toy veoir, j’en ay les piedz pouldreux.

Lucifer

Harau / harau / approche toy dyable

Approche toy, notaire mal fiable

Fier Belyal, procureur des Enfers

Sy tu ne faictz ung faulx traict desvoyable

1165Nous perdons tout le genre humain salvable

Et demourons seulz enchasnéz en fers

Tous les tourmentz que j’ay jamais souffers

Me sont presens tous à ung comble offers

Sy tu ne joue ung tour de tromperie

1170Tout nostre faict va tomber à l’envers

Sur terre avons des ennemys pervers

Encontre nous machinans prescherie

C'est ung bigot de mechante magnie

Estienne pape ainsy comme on le nomme

1175Nationne de la cité de Romme

Qui par ses faictz aussy par ses abus

Va declairant la loy de son Jesus

Et tant a faict que les plus grant paiens

Sont reprouvéz et devenuz crestiens

1180Par ses sermons pora mettre à ruyne

Tout nostre enfer cy mort ne l’affine

Sathan

Dampné vidame en tenebre et bruyne,

Loup ravissant / ton hurlement ne fine.

Nous sommez prestz te servir de bon cueur

1185Salver fault ta mere Proserpine

Affin d’avoir quelque bonne cuysine

Quant de retour serons de l’empereur.

Je voys à luy tout droyt en son demeur

Le provocquer à destruire le pape.

1190Et quant et moy porteray ma grant cappe

Affin que l’on ne congnoisce ma ruse

Belial

Je suis remply de rethoricqz infuse

Pour procurer devant tous les humains

Ton grand profict / par mes piedz et mes mains

1195Et tous mes sans naturelz de mon corps

De toy servir feray tous mes effortz

Contre l’Eglise et temporalité

Preste seray par sensualité

Venir au bout de ma grande entreprise

Astaroth

1200Roy Lucifer mon ame est cy tresprinse

De ton amour. que pour toy me presente

Faire ton veulle, accepter la tormente

De mort amere / et tracasser les champs

En tout le nombre de tes souldars meschantz

1205Point ne s’en treuve ung plus deliberé.

Ne qui a mieulx au monde labouré

Comme Astaroth, dyable trés vallant.

Belzebuth

Sur l’emisphere tu es le plus meschant

Qui soyt regnant de sus eaue et sur terre

1210Entre les monstres de mal tu13 es tyrant

Et mal vuellant ja ne s’en fault enquerre

Tu es tout preste de faire à chascun guerre

Tans que les lieux infernaulx seront plains

De ses dampnés criant de mort amere

1215Et lamentant leurs grantz pleurs et leurs plains

Sathan

Mon frere, mon maistre. Dyables sont enclins

Par tous soubdains mouvemens14 et declins

Dessus les champs leur devoir tresbien faire

Mais au depart pour mieulx nous satisfaire

1220La paste estens sur groings dyabolicquez

Pour confermer noz espritz draconicquez.

Que recepvons pour benediction.

Lucifer

Dyables dampnés en malediction

Dessus vous tous par puissance interdicte

1225Ma paste estens qui est de Dieu mauldicte

Pour de tous maulx et meffaictz vous absouldre

Sortés, courés / que maledicte foudre.

Les ventz aussy de la terre / et de l’aire

Puissent tomber sur vostre faulx repaire

1230Parellement gresle et playe tresterrible

L'air tenebreux, tresobscur et horrible,

L'obscurité de noz vilez abysmes,

Le souffre infect que nous avons pour dismes,

La puanteur de noz creux infernaulx

1235Et qui plus est, tant par montz que par vaulx

Tonneaire grand et mauldicte tempeste,

Puissant tomber sur vostre groing et teste

Tant que soyéz pour nostre faict espars.

Dyables. allés / couréz de toutes pars,

1240Soyés dispars en cent mille provincez,

Dragons mauldictz, attrainnéz ducz et princez,

Ronflez, riffléz, par le monde pillés

Escarmouchéz ses payens exillés

Acomplisséz tousjours le mandement

1245De Lucifer en mal et meschamment

Allez / allez / que de la male rage

Du mal caduc, maulvais temps et orraige

La malle bosse / fouldre pour vous instruyre

Vous puisse tous au dyable conduyre.

L'empereur

1250Mes chevalliers. et bons seigneurs

Je suys en ung grant pensement

C'est de l’ung de mes serviteurs

Qu'avyons donné commandement

Aller sercher expressement

1255Souldars et gens pour nous servir

Mais certes de luy aucunement

N'a persson point parcevons son revenir.

Puis que sommez assés de losir,

Sur ce faict ja interjecte

1260D'en avoir fin, c’est mon desir.

Besongniez par maturité

De conseille. et par equité

Faire sortir chose en effect

Par ainsy mon nom redoubté

1265Sera congnu tel pour tel qu’il est

Princes et seigneurs de grand bonté

Qu'en dict vous par vostre advis

Sy le messaiger areté

Estoyt : serons en grant annuys

Nemesius. Chevallier

1270En grand angoysse serions mis

Sy de retour n’estoyt prochain

Mais le dieu Mars qui est certain

Vous envoyra quelque nouvelle

Du messaigier et de sa sequelle

1275Devant qu’il soyt ung moy passé

Ou defaict il est trespassé

Ou destenus fort en prison

De quelque prince de maison

Qui contre l’empire at envie.

Olimpius. Chevalier

1280Sire monarche. je ne croy mie

Que par le monde universel

Trouver on sceut ung homme tel

En hardiesse ou de hault bruit

Tant soyt aux armes bien instruict

1285Voulloir contre vous murmurer

Hardyment / la mort endurer

On luy feroyt cruellement

Sy le post n’est presentement

Au retour de commission

1290Prandre ne fault d’afection

En vostre cueur telle tristesse

Ire. est la chose que souvent blesse

Le corps de l’homme je vous assure

Tant y a. que par moult grant cure

1295Trotemenu s’asoit devoir

Comme povoye apparcevoir

Brefz retourner. comme je croy

Parquoy ne debvez en esmoy

Estre. Sire comme il me semble.

L'empereur

1300Or donc. puis que venés ensemble

Par bonne et seine opinion

Je suis d’avis, sans fiction

Avoir patience ung petit

Jusquez à tant que par son dict

1305Responce nous donra certainne.

Trotemenu

Il sont vingtz jours ou troys sepmainne

Que suys trotant par Lombardie

Et sy n’a peu oncqz en ma vie

Trouver serviteur à ma guise

1310Ainsy que l’empereur devise

Pour les faulx crestiens tormenter

Sy en chemin de retourner

Me metz / on n’an fera ja teste.

Esse ung homme ou une beste

1315Que je voy la prés ce buysson ?

C'est ung souldart ou la fascon

Il me fault sçavoir qui veult dire

À luy m’anvoys de grande tyre.

Pour luy demander dont il est.

1320Mahon te garde hou. lancequenet

Tu es icy bien à repos

De refredir ainsy ton dos

Comme faict ung gros soul d'ouvrer

Et / te vouldroys tu point louer

1325Pour bien servir ung grant seigneur

Sy tu estois plain de valeur

Par moy seroys bien appointé

Griffon

Mais que je fusse à sureté

Je feroie tout cen qu’on vouldroyt

1330Je ne crain point challeur ne froyt,

Vent ou tonnere, pluy ou la grelle

Beste à deux piedz, male ou femelle

Sy on sçavoyt ma hardiesse

Que les crestiens chascun jour blesse

1335Des seigneurs seroye approuvé

Sy seule cy tu m’a trouvé

Sy agé compaignons assés

Mais aincor ne sont point passés

De la grant guerre de boullongne

1340Quoy qu’on en parle et qu’on en grongne

Nous y avons heu ung grant bruit

Tellement que par nostre bruit deduit

Nous avons gaignié la tournee

Et cy la prismes par amblee

1345Ung jeudy gras aprés disner

Le coronal nous fut donner

À ung chascun cinquante escutz

Trotemenu

Cinquante escutz. O quel abus !

Par Juppin, point je ne t’en croy.

1350Où est ta boursse, dy par ta foy

Et les escutz que tu raport ?

Tu es icy prés de ce, fort

Rompu, cassé / chauffes et pourpoint

Et es ung gallant mal en point

1355Pour ung souldat de ville guerre.

Griffon

Ha, Dea, ce fust sur la mere

Que nous perdasmes nostre richesse.

Le torment nous dura sans cesse

Plus de douze jours et demy

1360Et vous prometz mon bel amy

Je perdis plus de cent escutz.

Trotemenu

Or me dis donc sans nulz refus

Sy tu veulx servir l’empereur

Qui est monarche, prince d’honneur.

1365Puis toy et moy prandrons plaisir

Aller en chemin par loisir

En cerchier aincor aultres troys.

Griffon

Les prandrons nous tous à la fois

En prent / et deux / comme ilz viendront

1370De hardiesse et de beaulté

Et cy auront la majesté

De l’empereur en reverance

Puis qu’il convient que l’on s’avance

Je suis contant de vous ensuyvre.

Trotemenu

1375Puis que nous sommes donc à delivre

Marcher comme nous fault sans point faillir

Je voy de loing du boys saillir

Comme il me semble quelque gallant

Je croy que c’est ung assallant

1380De helux / ou du canivet.

Trongnart.

Et dehet les faucheurs sont payés

Povres ne veulx pour mes alliés

Qui n’a de l’argent, sy en cerche

Je n’ay trouvé en tant de marche

1385Que ma bourssette15 et fort enflee

Combien / de toute ma journee

Je ne mangea ne pain ne paste.

Trotemenu

Dont vient le gueu à sy grant haste : /

Que cerchés vous / ou allés vous : /

Trongnart

1390De Naplez : / ung maistre : / tout droit à vous : /

Trotemenu

La responce ambigue à tous

Est à ung mot / et bref langaige

Tu nous semble assés de bon aige

Pour bien gouverner ung empire

1395Et propre assés pour tost instruyre

Ung tresgrant nombre de souldartz.

A tu congnoiscence des ars

Que nous appellons liberaulx

Et distinguer les biens des maulx

1400Pour estre au gaige de l’empereur ?

Sy tu veulx estre de valleur.

Nous te ferons de sa maison.

Trongnart

Je suis comptant mais par raison

Il fault que soye bien appointé.

Trotemenu

1405Mais que tu soys bien acointé

Au ren des aultres selon la mode

Il n’y aura d’icy en Rode

Mieulx accoustré et à ta guise

Fin drap de soie, blanche chemise,

1410Pourpoint d’ore, chausses tiree.

Et cy seras de la meslee

Portant blaison de l’empereur.

Trongnart

Je ne sauroie aultre seigneur

Honorer plus triumphamment

1415Parquoy à vous je fay serment

Pour é à son nom debeller.

Trotemenu

Vien t'an ou nous voullons aller

Par ainsy n’en fault plus que deux.

Je croy que tu sera heureux

1420Au beau service de l’empire

Il n’y a homme qui te doit nuyre

Mais que tu soys vaillant, hardis

Pour executer les edictz

De l’empereur se grant monarche.

Trongnart

1425Il n’y a pape ny patriarche,

Cardinal, evesque ou doyen

Que ne doye mestre en mon lien

Pour les garder de barboter.

Trotemenu

Sy nous convient il tost haster

1430Et traquasser ung bon trayn

Prenons ligier nostre chemin

Oront au bocaige par ceste trace

Gueudon

Par le dieu Mars en ceste place

J'ay demeuré trop longuement.

1435Tenir je vouldroye maintenant

Quelque gros flascon de bon vin.

J’en beneroye ung tel tatin

Que la larme viendroyt à l’heulle.

Je suis eschauffé du solelle.

1440Que me vient luyre sur la teste

Dieu vous gard, messeurs de la feste.

Avés vous dequoy grignoter

La fain me faict cy transporter

Et ne soubtien morseau de pain.

Trotemenu

1445C'est une chose pour le certain

Que nuyct beaucoup à ung yvrongne.

Es tu de France ou de Bourgonne.

Que veulx tu dire, a tu partie.

Vouldrois tu ceste compaignie

1450Ensuyvre pour le temps future ?

Gueudon

Pardieu j’ay couché sur la dure

Par faulte d’or et de pecune

Plust à Dieu qui crea la lune

Que j’eusse quelque maistre trouvé.

Trotemenu

1455Sy tu veulx / mais que soys approuvé

Et trouvé serviteur leale

Tu seras à ceux cy egale

À la fouldre d’ung grand seigneur.

Gueudon

Mais que ne me tenés rigueur

1460Prest je suys à vous complice complaire

Et à quelques joyeuse affaire

Me voyrés des deus besongner.

Trotemenu

Enfin nous donc à peu parler

Tu seras de la retenue

1465Et auras porcion congrue

Pour ton estat entretenir.

Broieart .4. Souldart

Sy te povoie tost pervenir

Au service de cest empereur

Il n’y auroit cy grant seigneur

1470Qui fict plus de brague que moy.

Je suys icy en grant esmoy

Prés la feuillie du vert boicage

Seulet je16 suys sur ce passaige

Pour rancontrer quelque adventure

1475La malheure longuement me dure

De mon mestier ne sçay que faire.

Qui a d’ung bon ouvrier affaire

Voicy ung maistre du mestier

Sy nul de vous en a mestier

1480Vous me voiés. Je suis gallart.

Trotemenu

Qui est cestuy gentil pallart ?

Broyeart

Qui il est / et c'est Broyart

Procedé de haultain lignaigne

Vieulx en sçavoir et nonpoint d’aige

1485Ung bon pendeur / bon escorcheur,

Bien brulant homme / bon destrancheur

De teste / et les getter es fours,

Trayner / et bastre par les quarfours.

Ne doubtés que soie des meilleurs

1490Non. Mais vrayment suis des pieurs

Qui pour lhors soit natif de mere

Le sire grant de mon feu pere

Fust pendu d’ung joly cordeau

Ma mere grande fust auf bourdeau

1495Ce faisant forbir en grant chiere

La supellatine sorciere

Dont on ouyt jamais parler.

Pour petitz enfants estrangler

Abile estoit à cela faire.

1500Quant de à mon pere / ne m’an veulx taire.

Haultement fust tout vif brulé

Et puis mon frere fust decollé

Et tenaillé son aimé filz.

Moy seulet la fosse luy fis

1505Soub le gibet de Mont Faucon.

Du temps que le grant Alarcon

Regnoyt en la Gaule Belgique,

Ma seure Margot puante et frisque

Heult dix enfans d’ung gros marau

1510Nommé Godart le vieu bourreau

Desquelz les troys elle tua

Et une fille qu’elle avourta.

Ainsy n’en demeura que six,

Tous beaulx, gallans et gentilz filz.

1515Mais par aucune trahison,

Qu'ilz firent par grant mesprison

Furent pendus par la cordelle

Au grant gibet de La Rochelle.

Mon pené frere au pillory

1520Fust charfaudé17 / et puis boully.

Pour ouvrer de faulse monnoye.

Et pour cest honneur cy venoye

Assavoir son avoit mestier

Ou meilleur maistre et bon ouvrier

1525Qui soit en toute ceste contree

Seigneurs. Pour ma premiere entree,

Regardés cordez / et gresillons.

J'enraige que nous n’assaillons

Quelque crestiens à ma venue.

Trotemenu

1530Tu doys bien de la retenue

Estre. Et tenus moult chierement

Veu ton lignaige entierement

Dont venu es et procedé.

Ou est celluy qui eust cuydé

1535Que fusse de tel lieu extraict ?

Il m’est advis selon ton faict

Tu nous seras assés propice

À besongner de ton office

Pour despescher ses faulx crestiens

1540Puis que tu entens les moyens

De batre / occir / et tormenter,

Donner luy fault à18 grignoter

Affin d’avoir meilleur couraige

De tant jurer il n’est point saige

1545Cela le cause qui n’est hardy.

Broyart

Je ne mangea de puis jeudy

Je vous prometz, foy de preudhomme

Et cy suis en cueilleur de pomme

Sy ne trovons quelque adventure

1550Pur le cueur dessus la dure

Et luy oster tout son beau bien

Pour l’acontrer en courant chien

Affin des aultres suyvra la trace.

Trotemenu

Trop demeurons en ceste place

1555Retourner subit nous convient

Sçavoir sy l’empereur se tient

Tousjours a son grant domicille

Mettons devant le plus abile

En gaignant pais la journee.

1560Par Dieu, vecy belle assemblee

Quant tous quattre je vous regarde,

Il n’y a mixtion ne farde

Qui mieulx scent faire belle facture

Precieuse n’est pas la vesture

1565Mais / les corps sont à l’avenant.

Par Juppin aussy Tarvagant

Marcheront Griffon et Trongnart

Et puis Gueudon avec Broyart

Pour estre tous bien appairés

1570Faictes devoir tant que porés

Car dedans le midy demain

Serons au palais souverain

De mon bon maistre empereur.

Je voy illec mon droyt seigneur

1575Velerian. qui est assis

Lequel me semble estre pensifz.

Je luy voy raconter comment

J’ai faict tout son commandement.

Trespuissant prince / Mars, dieu des dieux,

1580Regent les habitans des cieulx,

Vous acroisse triumphe et gloire

Lequel par povoir glorieux

Vuelle tenir de bien en mieulx

Des romains la noble victoire

1585Tant qu’il en soit bonne memoire

Et par tout le monde notoire

De vous et vostre grant puissance

Affin que chascun puisse croyre

Et à jamais avoir memoire

1590Qu'estes le non par de vaillance.

Je viens de faire mon messaige

Pour collauder votre lignaige

Comme par vous estre commis.

Vecy Griffon, au grant corsaige,

1595Trongnart, qui est vaillant et saige,

Gueudon. Broyart. Noble de pris.

Ilz sont soubtilz et bien apris,

Souldains d'obeir à voz dis,

Hommaige et vraye obeissance.

1600D'ung hault lignaige cestuy est filz.

Les aultres sont tous selon voz dictz

Prestes d’acomplir vostre plaisance.

Pouxr de crestiens faire ung amas

Je croy que tous n’y fauldront pas

1605Pour vous servir sont mis par voye

D'aultres en trouveriés ung tas

Qu'avons servir feroient grant pas

Mais vecy des aultres la proye.

L'empereur

Trotemenu / bien doy mener grant joye

1610De ton retour. louez en soient noz dieux,

Puis que perille n’a trouvé en ta voye.

Tu es propice pour transmettre en tous lieux.

De moy complaire on ne le sçauroit mieulx

Quant en peu d’heure, tu m’as souldars trouvé.

1615Gentil, gallant, tu es / et approuvé.

Fornis ilz sont / hardis comme il me semble.

Approché vous et venés hardiment

Prandre pecune pour acontrer ensemble

Mieulx en ferés le cas joyeusement.

1620Enfans / mignons / pour mon vouloir parfaire

Et me servir. prandrés vous toute peinne

De vous commettre en quelque bonne affaire.

Deliberé j’en suys chose certainne.

Je vous donray ung tresbon capitaine,

1625Plain d’une audace et bien hardy gendarme

Quant vous l’orés faire ung cry pour l’alarme.

Suyvés aprés. Ne les lassés perir,

Donnés d’estoc et de taille à coup ferme.

S'ainsy le faictes, vous ferés mon plaisir.

1630Le cas pourquoy on vous a cy cité

Tost le sçauréz et n’y trouverés faulte

C'est que crestiens en Rome la cité

Croient en Jesus / qu’estoyt fin homme et caute

Lequel pendus comme on scet bas et haulte

1635Fust en Judee / pour ses anchanteries

Par quoy je veulx ou les porés trouver

Que les grevés par mort ou tromperies

Et de leurs biens vous feray approuver.

Griffon

Prince excellant / trés maleureux

1640Seront crestiens sy les trouvons

Nous sommes tous chevalereux

Puis que licence de vous avons

Croyre au dieu Mars nous les ferons

Sy sont tombez entre noz mains

1645De cela vous certifions

Qu'a eulx nous serons inhumains

Trongnart

Sire empereur, soyés certain

Que corps et ames seront posés.

Servir vostre estats souverain

1650Puis qu’à vous sommes composés

Et mes crestiens tant soient rusés

Par nous qui sommes souples et hardis

Premier que soyons apaisés

Les tuerons tous comme estourdis.

Gueudon

1655Par Jupin, Dieu de paradis

Puis que c’est donc vostre desir,

Il en y aura plus de dix

Qu'en la terre feray gesir

Mais que je les puisse choisir

1660De jour, de nuyt et à toute heure,

D'eux en feray tout mon plaisir,

Leur donnant peine et grant labeur.

Broyart

Je suis constant qui ne demeure

Peau sur mes osses que soit entiere

1665Sy je ne fais gesir en biere

La plus grant part des ennemis

De vous seigneur qui estes mis

Au throne triumphant de Rome.

De pardre vie je m’abandonne

1670Pour soustenir la loy de Mars

Ou les crestiens seront tous ars

Publicquement venant chascun.

L'empereur

Vostre dict est à moy commun

Et respondés treshardiment.

1675Vous aurés tout le maniment

De la besongne militaire

Que n’est pas de petite affaire

Quant au faict d’execution.

Et puis sy la relation

1680De vous est faicte à l’adventaige.

Vecy l’homme et le personnaige

Qui vous contantera tresbien.

La grace à Mars je voy presentement

Que chascun vient à mon hault mandement

1685Me presenter ames et corps et leurs biens.

Ne rest plus que trouver les moyens

Commant porons les crestiens dominer

Qu'ilz nostre loy veullent ainsy contempner

Par leurs falaces et grande tromperie.

1690Bon y me semble anichiller leur vie.

Seroyt. pour vray / et louer le dieu Mars

Et ordonner à Rome par toute pars

Que chascun fust soubz luy obeÿssant

Et l’honorer comme dieu trespuissant

1695Du hault empire et regne supernel

Qu'en dict vous Nemese. Mars eternel

N'est il pas dieu / sur tous les aultres dieux

Regnant lassus par dessus tous les cieulx

À qui on doit honneur et reverance

1700Par son hault nom et la digne excellance.

Nemesius

Sire empeur / Mars par sa prudence

Memoriale glorieuse bonté

Fust elevé en la sublimité

Des dieux haultains comme dient les anciens

1705De son honneur ne veux mal dire en rien

Mars l’honorer comme le plus puissant.

Des aultres dieux il est en bien croyssant,

Favorisant à ses vrays amateurs

Parquoy je dis que tous princes et seigneurs

1710À son hault nom doivent avoir reverance

Et tous eensemble par tresbonne ordonnance

Massacrer tous les crestiens obstinés.

Ou aultrement affin que contempnés

Ne soient les dieux faict tost publicquement

1715Par les carfours crier bien haultement

À son de trompe là ou seront trouvés

Que d’ung chascun ilz soient tous reprouvéz.

Expoliés. Comme faulx seducteurs

Et que leurs biens soient pour les inventeurs

1720Qui d'eux trouver auront heu le memoire.

En ce faisant aquirés une gloire

Par quoy crestiens vous craindront à jamais.

Olimpius

Depuis le temps, Phebus, Pallas,

Pour dire mon opinion

1725Prince ne fust d’afection

Ne de sy grant nom que vous faictes

Parquoy chascun sans contrister

Vous doyt par tout moult redoubler.

Et par ung cueur gay et joly

1730Doyt vostre nom estre obeÿ

En tous voz haultz commandementz.

Et les blasphemes et juremens

Faictz contre Mars, dieu debonnaire

Auquel chascun doit bien complaire

1735Par vous doivent estre corrigés.

Les temples qui sont erigés

À son honneur et reverance

Seront par la vostre escellence

Entretenus honnestement.

1740Puis, aprés rigoreusement

Prandre devés possession

Des bien que par ostention

L'on vous fera de ses crestiens.

L'empereur

Galien, vous sçavéz les moiens

1745Et estes ung de mes conseilliers.

Que vous semble de ses templiers

Qui sont en grant nombre semés

Par ydolatrie consomméz

Contempnant de Mars la loy ?

Galienus

1750Sire. ainsy comme j’aparçoy

Obvier fault par grant audace

Contre leur faicte et par menasse

Les corriger cruellement

Synon. augmenteront tellement

1755Que quant douter vous les vouldrés

À moult grant peine les porés.

Parquoy vous fault maistre et seigneur

Monstrer / en leur tenant y rigueur

Selon le cas qu’ilz ont commis

1760Contempnant Mars et les editz

Pour croire en ung nommé Jesus

Duquel son faict ne fust qu’abus

Quant de mort ne sceust eschapper.

Maxime

Don me devroit à mort frapper.

1765Cy fault il dire la verité

Et selon vostre autorité

User de puissance absolue.

C'est une chose trop dissolue

D'endurer de ses facheux foltz

1770Qui par injures et villains motz

Mesprisent la serimonie

Que le bon dieu Mars en sa vie

Avoit commandé observer.

Il vous fault la mode trouver

1775De les mestre tous en basac

Ou les gettez dedans ung sac

Au fond du Tymbre, prés son rivaige.

Vous estes noble personnaige

Remply d’auldasse, aussy d’honneur

1780Monstres que vous estes, seigneur

Monarche, de tout l’empire

Homme n’y a qui puisse nuyre

À voz ordonnances et edictz.

L'empereur

Par ainsy donc tout le cas bien compris

1785Vous tindrés donc cen que m’avés promis

Lealement et de tresbonne grace.

Et maintenant on crira à hault cris

De par mon nom venant de noble pris.

Et cy entens et veux que ainsy se face

1790Vous entendés que royaulmes et monarches

Je les possede / seigneuries et tetrarches

Et sur tout ay puissamment dominé.

Redoubté suys par les anciennes marches,

D'or et d’argent sont remplis tous mes arches

1795Et jusques icy a sur Rome regné

Contre tous prince j’ay tresfort repugné

Et des crestiens les abus impugné

Pour honorer Mars, dieu triumphant.

Puis qu’il m’a donc tant de grace donné,

1800Ne soyt l’honneur de luy habandonné

Par faulx crestiens qui regnent maintenant.

Soyons prudens / constens / et vertueux,

Et honorons Mars, le roy des cieulx.

C'est nostre dieu, je suis soubz luy esleu.

1805Ayons sa loy tousjours devant noz yeulx

En l’ansuyvant comme noz peres vieux

Et gouvernons tout le peuple menu.

Sa. messagier / viença Trotemenu.

Je t'a loing temps moult bien entretenu

1810En hault estat et n’a trouvé reproche

En toy. que soit publicquement congnu.

Et assés biens de moy a obtenu

Parquoy comment que de moy tu t’aproche

Or donc escoute / scés tu que tu fera.

1815Par la cité de Rome tu en ira

Pour faire ung cris moult sollennellement

Devant chascun et tout publicquement

Donra congoistre à noz feaulx amis

Qu'ilz soient tretous obligés et soubmis

1820Totalement ensuyvre l’ordonnace

De nos edicts sans nulle defaillance

Que tous crestiens soient pris, liés, saizis

Et tous leurs biens confisquéz et destruis,

Le tout au gain et profit des preneurs.

1825Va et revien affin que mes seigneurs

Qui icy sont soient ou du cas advertis.

Trotemenu

O que bien resjouÿ je suis

Quant me donnes commission

Vostre voulloir d’affection

1830J'acompliray et n’en doubtés

Et cy en seront tormentés

Ses faulx crestiens remplis d’envie.

Oyés. Oyés. Oyés. Oyés.

De par l’empereur trespuissant

1835Qui est d’Europe joÿssant

Je fais à tous commandement

Ainsy comme en ce mandement.

Il est contenu par exprés

Que tous crestiens, soient loing ou prés,

1840Expoliés soient de leurs biens

Pour les distribuer au paiens.

Des crestiens estans inventeurs

Plus oultre les contradicteurs

D'icelle presente ordonnace

1845Qu'ilz par leur meschante imprudence

En vouldront dire ou murmurer

Veult qu’on les face devorer

Par torture et aultre torment.

Je croy vecy le laboureur

1850Que je trouva dernierement.

Dis hee villain d'entendement

Quelle heure est il en scés tu rien

Le laboureur

Vrayment, monsieur Charmot mon chien

A gourmandé tout mon blanc pain.

1855Je l’avoie mis dedans mon sain

Mais il est tombé par derriere.

À quoy cers la trompe d'osiere

Que vous portés à la seinture

Elle a hucher par adventure

1860Les vaches pour aller aux champs.

Trotemenu

Par tous les cieulx et elementz

C'est celluy propre qui m'assota.

Quant par ce lieu cy je passa

En allant querir mes souldartz.

Le laboureur

1865Ses boys cy sont estés tous ardz

Par Nostre Dame / de la gelee.

Regardés, sire, nostre pouree

Commant elle est toutte brouyé.

Vous ne vidt oncquez en vostre vie

1870Plus belle chievre que nous avons.

Elle a porté deux beaulx tenrons

Que nostre belin luy a faict.

Mais je vous prometz en effaict

Ma femme en a faict ung present

1875Et ne sçay à qui ne comment

Voir maulgrey moy et mon regime.

Je ne sçay cy c’est pour le disme

Que nous devons à no curé.

Elle en auroit le dos baré

1880Cy c’estoit pour aultre raison.

Trop souvent vient en ma maison.

Cela me desplaict grandement

J'avoie la chievre tendrement

Moult bien norie en mon demeinne

1885Cuidant deux foys en la sepmainne

En avoir la gueule ambronée20.

Et en mangier a la porée

Sy hardiment je l’osoye dire

Je vous prometz ma foy, beau sire,

1890Jamais ne la trouva joyeuse.

Trotemenu

La vie est plus que maleureuse.

D'endurer ainsy tel torment.

Et ne sacés tu pas bien comment

Qu'elle faict quant tu es dehors ?

Le laboureur

1895Ma foy, j’en fais tous mes effors

Mais elle est tant caute et cy finé

Que quant j’aproche la cuisine

Elle veult tretout devorer

Et cy à l’huys veux tabourer.

1900Pour entré dedans ma maison

Elle faict tant par sa raison

Que jamais mot ne sonnera

Tant que le cas cerché sera

Et n’en peux veoir vin ne vïande

1905Sy ne creindoye paier l’amande

Elle auroyt la teste forbie

Trotemenu

Touche dessus, maugrey ta vie

Tant que luy face rendre son ame

Amande on ne paie de sa femme

1910C'est à toy, tue la toute mort.

Le laboureur

Cy demenroye prés de la port

Et que tost m’en puisse fouir.

D'elle en feroie à mon plaisir

Et sçauroye partie de son faict.

Trotemenu

1915Tu es un coquin bien perfaict

D'endurer d’elle sy longuement

Et ne voy tu pas bien comment

Quelqu'un vient souvent avec elle ?

Le laboureur

Je treuve bien ma grosse selle

1920Estant devers le feux posee

Ou quelqu’un faict sa reposee.

Mais ne puis sçavoir qui il est.

J'ay trouvé ung grant goubelet

Auprés de celluy de ma femme

1925Et sy oye l’huis qu’on referme

Aultre chose n’en sçay que dire.

Incontinant me prens à rire

Quant tant de bien voy sur la table.

Je vous prouve ce n’est point fable,

1930Mon bon seigneur de la trompette.

Trotemenu

Je le laisse pour tel qui est

Au dyable soit le coquin

De sa femme il est bien desceü

Et est plus subget qu’un matin

1935Cy ne fault il lever matin

Puis que mon cry est proclamé

Comme mon maistre bien famé

M'avoyt donné commission.

Louer en doys d’afection

1940Le bon dieu Mars, roy de bataille,

Lequel veux d’estoc et de taille

Soubstenir et de feus rassis.

Je voy l’empereur la assys

À qui ne fault faire assavoir

1945Commant j’ay bien faict mon devoir

Entierement de mon messaige.

Sire empereur, le tresplus saige

Qui soyt au pays d’Ytalie

Santé ayés et longue vie.

1950Comme pour moy je la vouldroye.

Je suis esté par champ et voye

Faire vostre commandement

Et defaict j’ay treshaultement

Proclamé le vostre voulloir.

1955S'il vous plaict vous feray sçavoir

Le faict de ma commission.

L'empereur

Tu a faict ta relation

Honnestement. Comme ung preudhomme

Et n’y a serviteur à Romme

1960Qui mieulx me sers en diligence

Pour avoir de moy souvenance.

Vela pour toy faire une robe raube

Garde bien qu’on ne le deraube

Se te seroyt ung grant dommaige.

Trotemenu

1965Grant marcy, sire, tout mon lignaige

En serat à grant honneur mys.

Jamais n’eu raube de cy hault pris

Bon faict servir ung tel seigneur

Vecy son grant manteau d’honneur

1970Qui m’a donné pour moy vestir.

Je suis tout à vostre plaisir,

Sire. en prenant congié de vous :

Premier cardinal

Vela ung moult cruel edict

Et aux crestiens tresfort nuisible

1975Ceste une chose trop terrible

Et une chose moult cruelle

De recepvoir peinne mortelle

Sans avoir de rien offencé

On nous a icy anoncé

1980Que noz personnes et biens mondains,

Le tout sera mis en leurz mains,

Noz corps en execution.

Fuir d’icelle region

Nous fault on endurer la mort.

1985Dieu nous veulle donner confort

Et à nostre cas bien porvoir

Il nous convient faire de noir

De la bien servir desormais

Il ne nous oblira jamais

1990C’est le vray remide ce me semble.

Second cardinal

Mais que nous soyons tous ensemble

Treshunanimes comme devons

En priers et devotions

Vers le doulx Jesus debonaire

1995Conseille aurons de nostre affaire

Commant nous porons eschapper

L'empereur plain de vituper.

Pora muer condicion

Et cesser son exacion

2000Selon le bon vouloir de Dieu

Parquoy porons tous en ung lieu

Tenir devotieusement

Soubz quelque cripte secretement

En povreté et bonne guise

2005Selon l’escript de sainte Eglise

Qu'aymer devons reveremment

Tiers cardinal

Faire le fault / ou aultrement

Serons tous à mort condampnés.

Les tyrans sont ja ordonnés

2010Des crestiens avoir la porsuit

Parquoy fault que chascun s’en fuit

Leigierement et à grant tir

Ou recepvoir mort et martir

Cruellement et à grant tort.

Quatriesme cardinal

2015Il nous convient faire plus fort

Comme povres gens desconfiz.

Sy Jesus qui est de Dieu filz

Ne prent la cure de nous mener

En ung vieulx lieu secret regner

2020Qu'on dict la crypte nepotiane.

C’est de present ung lieu prophane,

Mal baty et tout ruyné

Ou que Calixte fust condempné

Morir de mort cruellement.

Premier crestien

2025Herode en son faulx jugement

N’eut en luy telle cruauté.

Tarquin, plain de lubricité

Ne commit telle villainnie.

Laissons ceste faulce magnie.

2030Fuyons au lieu inhabité

Pour ses gentz plains d’iniquité

Absauter plus tost que plus tard.

Second crestien

À nous convient avoir regard

Jesus nous veulle conforter

2035Affin que nous puissions porter

L'adversité de cestuy monde

Ou tout le mal et miser habonde

Laissons de noz biens profict,

Descendons bas ou avés dict

2040Quant devrions tous estre afamés.

Tierce crestien

Mieulx ne sçaurions estre enfermés

Pour nous conserver bonnement

Et garder le commandement

De nostre Dieu le createur.

2045Laissons païens et leur erreur.

Nous confiant au bon Jesus,

Il nous donra sans nulz refus

De salut bonne congnoyscence.

Nous qu’ayons en luy la fïance

2050Qu'on doit avoir à ung bon maistre.

Quatresme crestien

Pater, Sainte questes, grant prestre,

Qu'en dict vous ? que ferons nous ?

La bas au cripte y22 viendrés vous

En nostre compaignie peureuse ?

2055On nous faict la chose doubteuse

Sy fort. et cy dommageable

Qu'il n’y a homme tant soyt il fiable

Qui ne creinde pardre corps, ame.

Sainct Estienne

O, ce sera moult grant diffame

2060Finir de martyr l’exemplaire

Sy vous avez en plain vulgaire

Ouÿ lire la clamation

Pour toute resolution

On n’a personne executé.

2065Est ja vostre fidelité

Vostre creance cy tost perie

Que tant craindés perdre la vie.

Est vostre doubte cy pesente

Est la nouvelle cy nuysante

2070Est l’empereur tant à doubter

Que de l’assamblé vous oster

De fuir vous m’admonetés

Et en grant doubte me mettés

Qui craindés plus le corps que l’ame.

2075On seroit tenu pour infame

Cy l’ame n’estoyt preferee

Au corps. et ce n’est que rouzee.

L’ame vit pardurablement

Aprés du corps le mouvement.

2080Et n’y a homme tant soyt terrible

En ses faictz / ne cy fort nuysible

Qui sans Dieu la sceut molester.

Pour vous la verité conter.

Entendés que dict Sainct Mathieu

2085En son livre / dixiesme lieu /

Nolite timere eos qui occidunt corpus.

Animam autem non possunt occidere.

Et puis aprés en bonne f sort

Au mesme chapitre vous raport

2090Sed potius eum timete / qui potest et

Tuam. et corpus perdere. in gehennam.

Doubtés. doubtés. Celuy seigneur

Qui peust poser en grant douleur

Ame et corps perdurablement

2095En la grant gehinne et torment

La bas au centre de la terre.

Sy vous avés douleur amere

Tant seulement des humains corps,

Entendés et soyés recors

2100D'une bonne et mesme sentence

Proferee de grande prudence

Par sainct Luc au tiltre onziesme

En nous donnant loy et regisme.

Disant. Ne terreamini in his qui occidunt

2105Corpus. et post hec non habent amplius

Quid faciant / Timete eum qui post quam

Occiderit habet potestatem mittere in gehennez.

Soyés donc fermes aussy constans.

Et de Jesuscrist vrays aymans

2110En tout cela il donra ordre.

Paiens ne vous sçauroient mordre

Synon par le voulloir divin.

Veés le sainct cieulx cristalin

La dessus au grant firmament

2115Est il faict manuellement

Des mains des hommes. Non. Non.

Mais de celluy de hault renom

Qui a le tout cree et faict

C'est le souverain Dieu perfaict

2120Nous ministrant par sa bonté

Cen qui est de necessité

Tant pour nostre spirituelle

Que pour la substance corporelle

Nous donnant vie vegetative

2125Par sa grace prerogative.

Est il à ung homme possible

Combien qu’il soit fort et terrible

De mettre contre Dieu la main ?

Sachés de vray pour le certain

2130Que non / mais nous veult approuver

Et en tous lieux nous peust trouver

Pour de nous faire la volunté

Et endurer adversité.

Ne nous causés de ses payens

2135Mais soyés bons et vrayx crestiens.

Laissés en faire au roy des cieulx,

Ayés Jesus devant voz yeulx.

C'est celluy qui donne confort.

Sy on vous a faict tel raport

2140Que devant avés allegué

Et que tout soit bien appouvé,

Ce lieu povés vous absenter

Sans voz ames ainsy contrister

Et trouver quelque secret lieu

2145Pour faire service de Dieu

Secretement et sans reproche.

Cy ce n’est au son de la cloche

Tant pour le soir que au matin,

Dieu l’entend en grec et latin,

2150Vous en serés remuneré.

Le beau lieu est ja preparé

Pour celluy recepvant martyr

Comme pouront sçavoir sentir

Ceulx qu’en la foy demeureront

2155Et qui en Jesus serviront.

Craindés vous donc plus le torment

Qui est passé subitement

De ce Valerien l’empereur

Que d’offensser notre Seigneur

2160Pour crainte de mort corporelle

Ha, mes amis / vie eternelle

Ce doit aultrement acquerir

Sans point la mort du corps fuir.

Mais par pleurs et gemissementz,

2165Tribulations. argumentz,

Entrons au royaume des cieulx.

Ce n’est pas cy mais en tous lieux

Que les bons serviteurs loyaulx

Recepveront plusieurs maulx

2170Au service du bon Jesuscrist

Comme en sainct Mathieu est escript

Au vingt quatriesme chapitre

Incontinent et prés du titre

D'icelle intitulation :

2175Disant par sa relation.

Ce que le bon Jesus a dict.

Tunc tradent vos in tribulationem

Et occident vos. et eritis odio omnibus

Gentibus propter nomen meum.

2180Vous ne devés estre estonnés

Pour les propos sermocinés

De ses trypoteurs de pavé

Jesus nous a trestous lavé

De son doulx sang trespressieux

2185Parquoy debvons estre joyeulx

Avoir affliction de vie

Et cy devons avoir envie

Au sainct martyr nous presenter

Pour en celluy nous conforter

2190Qui receupt mort et passion

Pour la nostre redemption.

Parquoy ung chascun catholicque

Peust faire à tous paiens la nicque

En servant Dieu devotement

2195Et gardent son commandement

Pour estre avec les bien heurés

S'il vous plaict donc retournerés

En voz pristines mansions.

Et comme bons vrays champions

2200Et selon la voye et doctrine

Du bon Jesus qui point ne fine

Sercher le salut des crestiens,

Porés evader les payens

Et leur sequelle tresmaudicte

2205Qu'est de mal et peché remplite

En tout leur creance et savoir sçavoir.

Puis donc que vous avés voulloir

Vous rendre en ce lieu solitaire

Que vous avez parlé nagaire,

2210Je ne veulx faire le [contredict]23

Mais vostre salut et profict

Veulx tenir ferme jusque à la mort.

Et cy seray vostre support

De tout mon povoir et puissance

2215Parquoy convient que l’on s’avance

Affin que ne soyons trouvés.

Le premier cardinal

O Pater, vous nous approuvés

D'ung bon et vray signe d’amour.

Allons donc tandis qu’il est jour.

2220Jesus nous veulle tous conduyre.

Dieu le Pere

Anges qui perdurablement

Vivés ou moy sans terminer

Venés vers moy prochainement

En joye qui ne peult finer

2225Pour à vous icy ordonner

Ma principale volunté

À Estienne fault retourner

Et à ses fil filz plains de bonté.

Vous entendés ma volunté

2230Gabriel ausy Uriel

Vous leur dirés qu’en unité

Pour avoir la joye supernelle

Soit luy et toute sa sequelle

Fermes / unis pour conclusion.

2235Ilz auront la gloire eternelle,

Honneur et jubilacion.

Gabriel

Prince de consolation,

Puis que vostre vouloir l’ordonne

Nous descenderons du hault throsne

2240Et yrons sans dilation

Pour mettre en execution

Vostre commandement haultain.

Uriel

Empereur du ciel souverain,

Nous yrons tost, je vous affie

2245Pour conforter la compaignie

Du saint pere / et des cardinaulx

Affin qu’ilz soient bons et loyaulx

Comme nous l’avés relaté.

Gabriel

Estienne remply de bonté

2250Par la majesté souverainne

Sommes icy des cieulx transposéz

Vous dire nouvelle certaine.

Ostez vous fault la doubte et peine

De tous les tormens criminelz

2255Et en la joie qu’est doulce et saine

Apprés la mort serés posés.

Uriel

Devotz crestiens qui milités

Soubz la foy du doulx Jesuscrist

Affin que soiés confortés

2260Dieu nous envoie à vous. et dict

Que vous aurés le sainct esprit

Qui vous instruira doulcement.

Mais que vivés sans contredict

Et endurés peinne et torment.

Gabriel

2265Dieu tout puissant misericordz

À qui tout bon peuple s’encline

Vostre voulloir par bon recordz

Avons perfaict en voix benigne.

Vostre clarté les enlumine.

2270En quoy Estienne venerable

De faire oraison il ne fine

Et vous rend grace tresagreable.

Dieu

Sa digne personne notable

Sera de bref moult bien heuree

2275Et le tiendrons pour honorable

Aprés sa mort et vie finee

Vela sa chambre preparee

Ou sont tous les benoytz martyrés

Son ame y sera colloquee

2280Puis qu’à morir sont ses desires.

Le premier cardinal

Ha que je suis reconforté

Et remply de felicité

D'avoir ouÿ telle doctrine

De grant joie mon cueur s’enlumine

2285Et mon ame se reiouyt

D'une vision tressubit

Que maintenant j’ay apparceu.

Je croy que c’est ung ange eslu

De Dieu souverain createur

2290Que j’ay veu dedans la lueure

Comme ung solloille reluisant.

Le second cardinal

Ha / Estienne devotement

Vous avés bien dict et parlé.

Je croy que Dieu certainement

2295Vous a son vouloir revelé

D'ung cueur contrict et bien meslé

Dedans l’amour du doulx Jesus

Qui est le saulveur appellé.

Je l’en rend grace icy ça jus.

Le tiers cardinal

2300Pater sancte / sans nulz abus

Nous avés doné bon confort

Regret de mes biens je n’ay plus

Et cy ne crain torment ne mort.

Jesus demeure mon support,

2305Luy suppliant par amyté

Qui nous conduise à ung bon port

En ayant de nous tous pité.

Le quattre cardinal :

De toy nous sommes bien acointé,

Seigneur Estiene, pape de Romme.

2310Aussy par toy sommes appointé

Au plus beau filz qu’onque vid homme.

C'est luy qui le faict de la pomme

Qu'Adam mangea / a reprisé

Vers luy pour noz pechés la somme

2315Fault que par nous soyt honoré.

Sainct Estiene

Puis que vous estes tous preparés

Endurer tribulation

De moy ne soyés retirés

Par quelque separation.

2320Soyons en contemplation

Selon l’usaige de l’Eglise

Et demandons remission

De l’offense qu’avons commise.

Les payens faulx, pernicieux,

2325Cruelz, remplis d’oultrecuidance

À qui noz dictz sont odieux.

Sont par Romme en grant ordonnace

Pour nous oster corps et chevance

En laissant la foy de Jesus

2330Mettons le monde en oblience

Pour pervenir en joie lassus.

Principalement le refus

Que nous ferons de cueur contrict

En contempnant les grans abus

2335Nous fera recepvoir bon bruyt

Du Createur qui tout fict.

Premier crestien

O. vray pillier non corrompu

Qui la foy de Jesus soubtien

Sans ta doctrine / et ta vertu

2340Emperateur, cruel paien,

Trouveront la mode et le moyen

De nous faire à tous la rigueur.

Mais ou toi veulx morir crestien

Tenant la foy de mon saulveur.

Second crestien

2345Sire, vous estes maistre et seigneur

Sur nostre Eglise militante.

De Dieuj je seray serviteur

Le temps que m’ame sera vivente.

Dedans mon corps, elle est gisante

2350Soubz la vostre paternité

Et cy seray obeyssante

Aux dictz de Dieu, pour verité.

Troisiesme crestien

Je vous promés fidelité

Pater sancte. et trouverés.

2355Qu’aultre n’est point ma volunté.

Cy aprés l’aparceverés. Et n

Et par martyr l’aproverés

Ou je soubmetz tout mon corsaige

Sy quant et nous vous demenrés

2360Contant suis d’y finer mon aige.

Quatriesme crestien

Du temps jadis ne fus pas saige

De tant mettre à moy crestienner

Je craindoie de mort le passaige

Pour biens mondains coaduner

2365S’il vous plaict, sire, faire amener

Aulcunz devotz, paiens mussés

Qu'a nostre loy veullent tourner

Bien desirans et adressés.

Constantz sont d’estre amassés

2370Pour sainct baptesme recepvons

Et des paies estre opressés

Pour faire à Jesus leur debvoir.

Sy vous plaict y les fault avoir

Pour reduyre à la foy crestienne

2375Ce sera enpire meritoire

De delaisser la loy payenne.

Sainct Estienne

Puis que la loy valerienne

Sont desirantz du tout lasser

Y les convient tost amasser

2380Generalement en ce lieu

Qui est selon la loy de Dieu.

Prepare pour faire oraison

Et demain hors de la maison

Je vous promés et sans faillir

2385Nous ferons leurs cueurs amollir

Par demonstrance trés devote

Et la / selon de Dieu la notte

Sans point de bruyt et sans alarme

poront tous recepvoir baptesme.

Sathan

2390Harou. De par tous les dyables

Je suis cy seul des grandes fables

De cest Estienne pape de Romme.

C'est un bigot et facheux homme,

Le plus qui f soyt soubz firmament

2395Et a presque le maniment

De ses paiens faulx et iniques.

J'en suys tant marry que la nicque

En feroie à toute magnie

De nostre infame infernalie.

2400Je ne sçay que dyable il y a

Mais depuis l’heure que Dieu lya

Lucifer en la chartre obscure

Ou il a peine la plus dure

Qu'onques mauldict dampné porta.

2405De puis que Dieu nous dejecta

Des haultx sieges de paradis

Je ne fus aussy estourdis

Que je suis pour l’heure presente.

Je n’ay membre qui ne s’en sente

2410Tant je me doy espouventable.

Lucifer

Qui est la / ce mechant dyable

Que j’oy ainsy fort jargouller24

Je voulloys ung peu sommeller

Pour prendre repos serotin25.

2415Et cestuy chien, villain matin,

M'a faict eveller tout subit,

Hurlant et menant ung grant bruit

Avec son grant crochet de fer.

Satan

Et c’est moy / c’est moy / Lucifer

2420Qui en ce lac voulloie entrer.

Je vien de Romme pour rencontrer

Les chrestiens soubz Estienne pape.

Cy petit n’y a qui n’eschappe,

Gardant de Jesus les edictz.

2425Je m’en reviens tout enlourdis

Aultre chose n’en sçauroie faire.

Lucifer

Et faulx dyable de perilleux affaire,

Serpent mauldict et dragon amputé

Qui ta licence et le congié preste

2430De toy partir de l’infernal cloistre.

Cuyde-tu que ne te sache congnoistre ?

À ton parler / cy fay dea. Mauldict garsson

Puant torcheur de cul, à vieu masson

Batus seras / et derrier et devant.

2435Ha trahistre Cerberus, chien puant,

Dangereux dogue / matin à triple teste

La raige au cueur / la fouldre et la tempeste

Puisse en bref temps ton corps rendre interdict.

Aspic pervers / la fu sans mon edict.

2440Laisse passer par la porte d’Enfer.

Sans moy, qui suys ton maistre Lucifer,

Je jure, l’ame de la grand Proserpine,

Tu en auras des coups sur ton eschine

Plus de six centz par mes dyablotons.

Cerberus

2445O. Monseigneur / avec les pietons

Ce faulx Sathan est venu par amblée

Soy transportant par my nostre assemblée

En parvité comme ung monstre marin

Et plus petit qu’un haran selerin

2450Parquoy n’a peu le congnoistre et veoir

Et bien plus aplain le porés bien sçavoir.

Aussy en luy / part art dyabolicque

S'a converty en ung faulx corps misticque

Sy tressubtile qu’il ne me fust possible

2455Le regarder tant estoit il horrible.

S'il est passé / de ce suis ignorant.

Lucifer

Tu as manty. faulx truphator latrant

Comme je croy / ne t’an sçaurois laver

Par tes faulx dictz26 que tu veux controuver.

2460Mais le grant gouffre des palus infernaulx

Luy a ouvers dont viendront plusieurs maulx

Et en auras grande pugnition.

Venés vers moy en salutation

Demogorgon et Mega, la grant beste.

2465Saillés d’Enfer, venés moy faire feste.

Prenés Sathan / Cerberus, ce matin

Et cy leur faictes ung mervelleux hutin

Devant ce gouffre / et la les tormentés

Par grantz fouez qu’en voz grifez portés

2470Jusques à tant que je diray hola.

Hola / hola / de par le dyable / hola

C'est trop / cessés / c’est plus que ne vouloye

Arestés tous / pour demener grant joye

Et me chantéz icy une chansson

2475Pour resiouyr Sathan ce faulx garsson

Auquel avés tant donné de travelle.

Belyal

Hee, Lucifer, voy cy belle sequelle

Prest acomplir vostre commandement

De bien chanter melodieusement

2480Sont desirantz soubz le vostre vouloir

Lucifer

Et chantés donc, faictes vostre debvoir

Comme joyeux et sçavans musiciens.

Lucifer

Hola de par le grant dyable

C’est trop chanté, vous me troublés.

2485Or de caterve miserable,

Le trou du cul vous m’afolés.

Vous n’estes pas entremellés

De bons acordz selon musicqz

Que de souffre soyés brulés

2490Dedans le puis infernalicqz.

Ça, ça, je veulx que mon vouloir saphicqz

À vous donner chascun commission

Pour reprimer cest faulce traficqz

Que les crestiens par leur deception

2495Ont entrepris pour leur salvation

Faire regner soubz de Jesus le tiltre.

Je seroye fol, ydiote et belitre

Cy permetoye leur outraige regner

Parquoy leur veulx tost28 donner une epistre

2500Pour prevenir / car je veulx dominer.

Sathan, mon filz / je te veux preferer

Et sur tous aultres donner commission.

Vers l’empereur qui pretent prosperer

Secretement ira en vision.

2505Luy consellent qu’en domination

Faire murdrir la secte des crestiens

En preferent tous ses nobles paiens.

Pour ceste esglise du tout anichiller,

Tu es moult saige et entens les moyens

2510Pour tost perfaire cen que sçauroie parller

Sathan

Sot Lucifer / faict il ung aultre aller

Je n’iray point en despict de voz dens

Vous m’avés mys en torture et tormens

Par voz bouffons qui sont cy assemblés

2515Pour cela faire ilz le feront assés

Je suys ja vieux me convient reposer

De vostre office je ne veux desposer

Alle y qui veult cheminer je ne puis

Lucifer

Tu es marry mon petit filz

2520Que te fault il regarde moy

Sy on t’a faict je ne sçay quoy

J'en suis marry Voir sire mon ame

Je te prie que tu te reclame

Par tous lieux et en toute place

2525Et que mon commandement face

Et bien seras recompanssé

Sathan

Ouy. J’ay le doz tout cassé

Des horions que j’ay receu

Qu'an forche d’Enfer soyt pendu

2530Qui ainsy l’a commis de faire

Lucifer

Et vrayment je te veux retraire

De la maulvaise opinion

Te faisant par affection

Present / mais que soys retourné

2535De quelque don bien ordonné

Qui te sera bien profitable

Et en poras servir à table

Devant les princes à mon absence.

Sathan

Je le veulx / mais la desplaisance

2540Que j’ay pris d’estre ainsy batus

M'a contrainct faire tant de refus

Contre vostre commandement.

Cy j’ay fally aucunement,

Je me sommez vous obeïr.

2545Combien monseigneur j’ay desir

Recepvoir de vous le present

Que dict avés tout maintenant.

On faict de moy comme on me souffle.

Lucifer

Et sur mon ame / c’est ma grant moufle

2550Qu'est riche et inapreciable

Possesseur suys hereditable

Et cy la longuement gardée

Ma mere grande, laide et fardée

L'avoit donnée à Tantalus

2555Quant gecté fust en noz palus

Pour recepvoir fain et famine

Puis aprés, dame Proserpine

L'a reserva bien chierement

Dessoubz son vieux habillement.

2560Garde la pour l’amour de moy.

Sathan

La vostre marcy puissant roy.

Mise serat en mon tresor

Et garderay comme fin or

Pour en user quant je vouldray

2565Et congié de vous je prandray.

Mars, que j’aie benediction.

Lucifer

Va t'an que malediction

Souffre puant et riagal

Te puisse par mont et par val

2570Conduyre avec tous les dyables

Or, sus aprés. De mon povoir

Et de ma grande suavité

Me convient les aultres provoir

Et leur donner auctorité.

2575Sa Belyal d’iniquité

Tu a ton ventre bien remply.

Cy dire voulons verité

Tu es de mal faire tout farcy.

Pour ce que tu a bien servy,

2580Tu auras la commission

Parsuader mon anemy

Le pape Estiene, premier du nom.

Fay tant que par ton hault renom,

Luy et ses gens soient amenés

2585Et bonne retribution

Auras avec tous les dampnés.

Belial

De tous ceulx qui sont condampnés

Ça bas en vostre infernalie

N'y a cil qui par sa follie.

2590Osoit entreprandre en effect

Eupvre meschant pour mieulx dehest

La mestre à fin come feroye.

Ne fis je pas en la grant Troye

Morir Hector / auscy Priam ?

2595Et cy avoie le filz d’Adam

Qui ce nommoit le bon Abel

Fay morir par Caÿm cruel

Injustement et à grant tort

Qui est celluy qu’a faict plus fort

2600Je le vouldroye cy adorer

Et m’est advis pour tout narrer

Je dois avoir commission

Pour mestre à la destruction

Et corps et ames entierement.

Lucifer

2605Tu es un maulvais garnement.

Je te congnoys y a mil ans.

En toutes guerres des normans,

Tu as tenu le prime lieu.

Que mauldict sois tu de Dieu

2610Et de toute la court celeste.

Astaroth. pour toy faire feste

Tu en iras par la cité

De Rome / et soys bien incité

Dire que à Nemese cest homme inique.

2615Olimpius plain de trafficque.

Sans oblier Maxime / Gallien

Qui soit tousjours bon vray paien,

Ilz seront tous remunerés.

Astaroth

De moy poront estre assurés

2620Quant sçauront vostre mandement

À eulx mannoys ligierement

Mandiant comme ung sabvoyen.

Lucifer

Belzebuth / tu scés le moien

Commant on fault gens visiter

2625Les souldars te convient tanter

Qu'ilz sont à Rome faisant grant bruyt

Tu leur donnera ung deduict

De ton flaiol ou caducé

Pour donner aux crestiens docé

2630Jusque à la mort et les matter

Sy tu les peux tous appointer

En mariage auras ma tante

Belzebuth

Helas monsieur que je vous hante

À tout jamais ou tout mon aige

2635De l’ambrasser c’est mon attante

Je la demande en mariaige

Lucifer

Va t'an va t'an fay ton messaige

Et metz les tyrans à tez dictz

Je cercheray ung personnaige

2640Pour parler à tous les amys

De Proserpine / et cy vuys

Sont29 trouvés selon ton desir

Cy bas au fond de cestuy puys

Tu la viendra prandre à loysir.

Belzebuth

2645Maistre / ce soit vostre plaisir

Nous donner benediction

Lucifer

Allés que malediction

Que ne fust donné au temps passé

À Sathan / aussy à Biron

2650Mauldis soyés sine fine.

L'empereur

Au lieu royal et de haulte excellence

Sur tous humains, j’ay bruit et preference,

Gloire et honneur, povoir, auctorité.

Par moy est faict tout ainsy que je pense,

2655Chascun me porte honneur et reverence

Pour mon hault tiltre d’imperialité.

Au nombre n’a aprés la deité

De plusgrant bruit donné à mortel homme

Qu’estre empereur de l’empire de Romme

2660C'est ung honneur sur tous aultres exquis

D'antiquité par puissance conquis

Tel qu’est mon ceptre du throsne imperial.

La ou je suis / mes parens sont acquis

Et m’obeïssent roys. ducz. contes. marquis

2665Et touttes gens du monde en general.

J'ay soubz les dieux ung siege principal

Qu'est en ce monde le plus grant dez humains

Puis que je suys empereur des rommains

Grace je rend aux dieux devotement

2670Qu'ilz m’ont donné sy bon accroysscement

Qu'en ce beau monde n’y a cy grant terrien

Car tout le monde orbiculairement

Quant est sur terre / non quant au firmament

Tout ce qui est lieu habitable et mien.

2675Je finis monarche et suis paien

Et touttefoys je suis en doubte.

Pour quelque chose que me deboute

De mon bon naturel esprit,

Ses crestiens font grant contredict

2680D'honorer Mars, mon dieu d’honneur.

Je leur feray souffrir labeur

Ou ilz feront à mon plaisir

Le reverer c’est mon desir.

Et pour ce dont mes bons parens

2685Qui vous monstrés tous apparens

À moy servir de bien en mieulx

La desplaisance que je prends

C'est quant en mon cueur je comprens

Que je suys ja aigé et vieux.

2690Combien je croy que soubz les cieulx

Ne vidz homme de voz deux yeux

Faire son faict comme feroye

Sy jamais mon hault cueur joyeulx

Mais je suis melancolieux

2695Et quasy tout vuide de joye.

Messeigneurs, vous savés comment

Nostre Dieu Mars est laidement

Detraicté par noz ennemis

Et nostre loy villainnement

2700Violée par contempnement

De ces crestiens faulx et mauldictz.

Nemesius, mon chier amy,

Auquel n’ay trouvé cueur fally

Mon esperance

2705Celluy ou j’ay mon confort mys

Entre les aultres le plus exquis

Et ma fiance

De tous mes amys sans doubtance

L’amour de moy à vous commance

2710Comme sçavés

En vous est tout mon assurance

À piedz/ en armes et à la lance

Monstré l'avés

Soyés persant, ne vous movés

2715De moy bien appointé serés

À l’advenir

De mes richesses assés aurés

Mais que vueillés comme sçaurés

Mars soustenir

2720J'entendz que paiens ne m’effacent

Contre vous / mais je veulx qu’ilz facent

L'obeissance

Et veux que les crestiens deschassent

Honteusement leur mort porchassent

2725Par arrogance

Je veux que Mars en sa puissance

Tant que je puis

Soit honoré en revereance

C'est mon advis

2730Vous estes puyssant pour batailler

Je le sçay bien

Quant pour Mars vouldrés travailler

C'est pour le myen

Je suis vieux et ne quier plus rien

2735Fors bon repotz

Mon amy entens et retien

Trestous mes motz

Parellement, vous mes supotz,

J'enten qu’à moy vous accordés

2740Sy vous aymés l’honneur et loz

Le droyt de Mars deffenderés

Là où crestien vous trouverés

Contre notre loy mal usant

Hastivement l’acuserés

2745Pour le pugnir incontinant

Nemesius

Sire empereur. riche et puissant

Bien entendu j’ay tous voz ditz.

Pour soustenir des maintenant

Nostre Dieu Mars prest je suis.

2750Tous les seigneurs de noble pris

Qui sont soubz vous pour militer

Laisseront filz, femmes et amys

Pour vostre hault nom exalter.

Olimpius

Prince excellant, pour contanter

2755Vostre haulte magnificence,

Ferons debvoir persecuter

Tous les crestiens plains d’imprudence

Qu'ils de Mars la saincte excellence

Desirent contempner et destruire

2760Par temeraire oultrecuydance

Que lez fera tretous reduyre.

Galien conseillier

À vous ne sçauroient contredire

Directement. sans faire offence.

Offenssé ont le haultain sire.

2765Sire prandre en denés vengence

Gens qu’ilz ne sont de congnoyscence.

Sans foy, sans loy, ilz sont mauldictz.

Mauldictz sont par leur ignorance,

Ignorant de vous les edictz.

Maxime

2770Plusieurs journées me suys soubmis

À frequanter tous les quarfours

Qu'ils estoient de crestiens munis

Tant par la ville comme es faulx bourgz

Bien en ay trouvé aucun lourdz.

2775Contendement et de sçavoir

Combien par leurs cauteleux tours

D'eschapper ils faisoient debvoir

Mars de present venés sçavoir

Qu'ilz seront tous cy bien guettéz

2780Qu'ilz n’auront richesse ny avoir

Qui les garde d’estre matés.

L'empereur

Vous ne serés point supprtés

Cy dilection n’est en vous

Et cy serés mal appointés

2785Cy ne prenés grant gard à vous.

Subgectz à Mars nous sommes tous.

Pour le deffendre par raison,

Soyés en union tretous

En luy faisant bonne oraison.

Griffon

2790Et hé. Trongnart / dy par ta foy

Que te semble de mon estat

Il m’est advis / comme je croy

Que procureur ny advocat

Ne ce treuve en tout le senat

2795Tant à son aise comme je suis

Je me fays cy du potestat

Et maigre devenir ne puis.

Trognart

Tu te fay craindre / et du gros bis

Pour ce que tu es serviteur

2800De Valerien. qui par ses dictz

T'a constitué le pieur

De nostre cecte / et le greigneur

En toutte faulce commission

À ung povre homme ferois rigueur

2805Pour en faire execution.

Griffon

Et que tu es meschant garsson

A tu envie sur mon estat

Tu va de mauldicte fascon

Et ne quier que noyse et debat.

2810C'est dommaige qui n’est ung prelat

Ayant quelque gros benefice

De rentes ferois grant rabat

À povre gens serois propice.

Trognart

Je ne suis cy fol ne cy nice

2815Que mon fr profict et bon debvoir

Honnestement et bien n’en fice

Comme on pourroyt apparcevoir

Prest de prandre et recepvoir

Deniers. plus tost que les donner

2820Comme assés tu le peux sçavoir

Que tel cas je sçay demener.

Gueudon

Que dyable sermociner !

Allés vous huy. Cy longuement

Vous venéz icy gruminer30

2825Comme à Paris au parlement

Et tout vostre grant jaisement

Ne vault pas ung estron de chien.

Vous n’aurés le gouvernement

Jamais de Romme sans bon moyen.

2830Chascun de nous face du cien

Selon equité et raison

Sans contrefaire le praticien

Au gouvernement de maison

On nous congnoyt et bien scet on

2835Que vous et moy ne valons gaire.

Delaissons la noyse et tançon

Pour mieulx demener nostre affaire.

Broyart

Il seroit heure de vous taire

Sans vous debatre pour richesses

2840Puys qu’avés tous cy belle affaire

Vers l’empereur / qui les promesses

Vous a promis. Et voz finessés.

Demonstrés cy publicquement

Du role serés effassés

2845Ou vous tayrés presentement.

Griffon

Dieu gard Broyart / totalement

Pour l’amour de ta bien venue

Nous ferons ung ambrassement

Trognart et moy en ceste rue.

2850Je ne resemble la censue31

Qu'a tyrer sang et ordonné

De travailler le corps ne sue

Qu'au dyable soys tu donné

Broyart

Et toy tu t’a bien demené

2855Pour peu de chose toy et Trongnart.

Depuis le jour que je fus né

Ne trouva cy perfaict sottart.

Le dyable puisse avoir part

À ton ame aussy à ton corps.

2860Tu fais icy d’un grant musard

Sans d’austres estre misericordz.

Gueudon

Sus, sus / laisson ces haultz propos

Et mettons nous en grant solas

En ung million de telz motz

2865Ne seroient jamais que debatz.

Faire nous fault une ralias

Pour tracasser ung peu plus oultre.

Que esse la que je voy la bas ?

C'est ung cordonnier. Ou ung coultre.

Griffon

2870Tantost sans point aller plus oultre

Nous convient à luy deviser

Villain, tu ne fais que muser.

Pour qui esse que tu besongne ?

Que dyable fay tu la trongne

2875Quant te venons veoir icy

Le laboureur

Je ne sçay quant viendra midy

Pour en la maison retourner

Jannon m’avoit arsoir promy

De m’aporter à desjuner

2880S’elle32 me veult ainsy mener

Force sera selon ses loys

Du tout en tout me promener

Fain souvent chasse le loup du boys33

Il y a certes plus de six moys

2885Que d’elle n’eux ung seule baisier

Sy j’etoie jeune comme souloys34

Sage seroyt cy de ligier

M’avoit ainsy en son dengier

Le jour debat plus de dix fois

2890Et ne sçauroye mieulx besongnier

Fain souvent chasse le loup du boys

Helas toy nouveau marié

Qui a pris femme à ton desir

Tu n’ez pas ainsy harié

2895Comme je suis / et sans loysir

Elle me faict pour son plaisir

Aller au boys le jour deux foys

Pour ung aultre que moy choysir

Fain souvent chasse loup du boys

Griffont

2900Villain n’enten tu pas les loys

De ses faulx crestiens de Jesus

Lequel fust posé en la croix

Pour ses forfaictz et ses abus

Dy marault en fais tu refus

2905De nous le dire ou declairer

Par Juppin le dieu de lassus

De mort te feront lacerer

Le laboureur

Parlés vous sire de rapiecer

Mon soullier qui est corrompu

2910Il a le derrier tout cornu

Par fine force de tracasser

Trongnart

Tu puisse de mort le pas passer

Ce n’é pas cen qu’on35 te demande

Par dieu tu en paira l’amande

2915Cy ne respons d’aultre fasçon

Le laboureur

C’est ung peu dela ce buysson

Qu’est nostre bourg de Laheméz36

Liegier y suis esté nommé

Pour mon grant pere Theuvenin

2920Qui engendra ung Sommenin

Mary à ma mere Fanchon

Gueudon

Laissons ce tourneur de cochon

C’est ung sourdault plain de folie

En dictz et propos il varie

2925Sans fin ne sans commancement

Le laboureur

Injacque sire nostre jument

At à ma femme que n’est point beste

Frappé cy grant coup sur la teste

Qu’elle est quasy mort devenue

2930Et plust e au dieu dessus la nue

Que vous l’eussiés bien espousée

Troys jours avant la grant journée

Que je la pris en mariaige

Par ma foy sire ce seroyt raige

2935De l’ennuyct qu’elle vous feroit

Cy treshault aprés vous cryroit

Comme faict du moulin l’ainesse

Le dyable vous chant[e]royt messe

Cy estiés pris comme je suis

2940Bien vous feroyt aller au puis

Querir de l’eaue pour la journée

Cy le dyable l’eust emportée

Ung an devant mon mariaige

J’eusse esté certes le plus saige

2945Qui soyt possible d’icy à Romme

Broyart

Tu es ung sote perfi et folatre homme

Et sommes sotz de t’escouter

Le dyable puisse emporter

Ton corps. ton ame. et ta folie

2950Allons compaignons d’are vie

Laissons ceste pute adventure.

Le laboureur

En vont ilz. marchant sus la dure

Pensés quelz couveurs de pouléz

Avant qu’ilz en fussent souléz

2955En fauldroit douzeine et demie

Premier crestien

Dieu marcy or est tost passée

La nuyct en grant serenité

Faisant la plus doulce nuytée

Que pouroit faire en temps d’esté

2960Le pape avoit par sa bonté

Dict hier au soir que selon Dieu

Celluy qui n’estoit baptisé

Venir convenoit en ce lieu

Pourtant mes freres il vauldroit mieu

2965Tandis qu’avons37 en charité

Par amour et fidelité

Noz cueurs sur les jeunes enfans

Que leur lieu soit tost visité

Et puis en toute honnesteté

2970Les amenrons fermes et constans

Second crestien

Allons donc tous m petis et grans

Les querir moult secretement

Nous qui sommes communians

Du precieux sainct sacrement

2975Faire debvons benignement

À ung chascun crestien plaisir

Cy vivre fraternellement

Voullons selon Dieu le desir.

Troiziesme crestien

Mes freres. en Dieu plus tost mourir

2980Devons. Et endurer tourmentz

En peinne et douloreux martir

Qu’à38 ce soyons nous differens

Les paiens nous serons nuysens

Mais sur toute chose du monde

2985Estre devons obeissens

Rendent à Dieu nostre ame monde

Quatriesme crestien

Et c’est la foy où je me fonde

En Jesuscrist mon benoit maistre

Memorant sa douleur parfonde

2990Qui en la croix s’a voulu mettre

Du Pere a monté à la dextre

Comme tesmongne l’escripture

Par peinne ensuivre nous fault son estre

En une joie que tousjours dure

2995Allons par compas et mesure

Au lieu predict d’icy prochain

Querir les enfans. sans demain

Attendre / et mener en l’esglise

Baptesme prandre selon la guise

3000De nostre sainct pere le pape

Affin que Sathan ne les happe

Par fault dudict sainct sacrement

Sus mes freres allons doulcement

Nous confiant au bon Jesus

3005Lequel en sa gloire lassus

Conduire veulle benignement

Premier crestien

Saillés mes enfans hardiment

Saillés sans craindre aucune chose

Plus blancz vous serés que la rose

3010Mais que soyés purifiés

De la lave de voz pechés

En recepvant le sainct baptesme

Second crestien

Saillés enfans39 tretous ensemble

Ou l’un et l’aultre comme il vous semble

3015Venés veoir le pape Estienne

Qui vous donra la foy crestienne

Mais que luy veullés demander

Son vouloir est sans commander

Du baptesme en affection

3020Vous faire presentation

Pour l’honneur du nom de Jesus

Le premier enfant

Du baptesme ne faisons refus

Mais de bon cueur et bon vouloir

Desirons et voulons avoir

3025Le demandant de cueurs contrictz

Et selon de Dieu les edictz

Acomplir les commandemens.

Premier crestien

Ne craindés jamais les tourmens

De ses tyrans faulx et pervers

3030Delaissés leurs parties ayguers yguers

Retournés au filz de Marie

Ilz ne poront par leur envie

Vous faire quelque extorcion

Vous aurés consolation

3035De Dieu s’il vous plaict demander

Or il nous fault sans plus tarder

Aller devant / et eulx aprés

Et nous syvons tous de cy prés

Qu’il ne nous viengne mal adventure

Second crestien

3040O pontifice bien muny de valeure

En qui bonté. sanctification.

Honneur. vertus. et equité demeure

Venuz cy sommes soubz ta protection

Vous nous avés donné commission

3045Vous amener ses six jeunes enfans

Pour les induyre et les rendre sçavans

En nostre foy selon la saincte Eglise

Recepvés les qu’ilz ne soient ignorans

Du sainct baptesme et selon nostre guise

Sainct Estienne

3050. Ha mes enfans. en la franchise

Du doulx Jesus le redempteur

Il vous convient faire demeure

Comme crestiens sont convocqués

Vous estes ja admonetés

3055Commant il fault la foy comprendre

Croire convient qui veult entendre

Le haultain40 mistere de la loy

De Jesuscrist souverain roy

Et de son corps le sacrement

3060Il n’est humain entendement

Qui puisse en avoir congnoiscence

Cy ce n’est par fidel creance

Comme le vous veulx proposer

Auscy se convient disposer

3065Pour soy faire laver en l’unde

Du sainct baptesme que somme ronde

Jesuscrist nous a ordonné

Lequel d’une vierge fust né

Comme le tient le sainct escript

3070Du septiesme Esay. produict

Au second de sainct Luc aussy

Qui est41 en Dieu du tout ravy

À tous je le veulx enhorter.

Enfans cy bien voulés noter

3075Ce que present vous notifie

Mettés en Jesuscrist la vie

Et vous serés hors de dangier

Car celluy qui se veult rangier

Soubz sa banniere tost saillir

3080D’estre saulvé ne peust faillir

Au ciel en la fin le collocque

Et qui son treshault nom invocque

Où d’ung bon cueur veult requerir

Il ne sçauroit jamais perir

3085Car en luy gict toute puissance

Espritz malingz font reverence

À son sainct nom. quant on le nomme.

L’ange immortel. et aussy l’homme

Et toute chose qui a estre.

3090En le recongnoisçant son maistre

Flexit les genoulx et s’encline

Sainct Paule à ce / point ne decline

Quant il escript aux Philipiens

Prés la region des Traciens

3095Disant au preelegué42 tiltre

De son livre second chapitre.

In nomine Jesu omne genu flectitur.

Celestium. terrestrium. et infernorum.

Cy vous voullés vivre en crestiens

3100Regarder fault aux ephesiens

Au troyziesme de son volume

Que ledict sainct Paule resume

Disant. Flecto genua mea ad patrem

Domini nostri Jesu Cristi.

3105De ce vous veulx bien advertir

Suppliant de vous convertir

En Jesuscrist. que je vous preche.

Premier enfant

Pater sancte rien ne m’empesche.

Qu'a Jesus ne soye adherant

3110À la foy ne suys different

Ne mes freres qui n’y sont

Aultre vouloir certes ils n’ont

Que de grace impetracion

Sainct Estienne

Je vous prometz remission

3115Et à tous ceulx parellement

Lesquelz vouldront fidelement

Le sainct baptesme recepvoire.

Second enfant

Pour bien faire nostre debvoir.

De bon couraige nous accordons

3120Le sainct baptesme vous demandons

En l’honneur du doulx Jesuscrist.

Troiziesme enfant

Par luy avons heu le repit

De mort eternelle encourir.

Puis qu’en sa loy nous veult norir

3125Je luy demande misericorde.

Quatriesme enfant

Au sainct baptesme, je m’y accorde

Et le demande promptement

Pour acomplir devotement

De mon povoir sa saincte loy.

Cincquiesme enfant

3130En la creance de la foy

Que vous tenés, mon tresainct pere,

Pour recepvoir douleure amere

Ne variray en rien qu’il soit.

Siziesme enfant

Cy le Sathan ne me deçoyt,

3135Telle est la mienne intencion.

Et par grande imploration,

Requier baptesme en ceste place.

Sainct Estienne

Puis que Jesuscrist par sa grace

A voulu voz cueurs attirer

3140Et devers moy faire tixer,

Treshumblement l’en remarcie.

Fermes vous fault, je vous affie,

Estre. pour venir à bon port.

Mes enfans, donc pour reconfort,

3145Les commandemens de la loy,

Les douzes articles de la foy,

Vous fault sçavoir entierement.

Et vous garder totalement

De commettre pechié mortel.

3150Et croyre en celluy eternel

Que nous tenons pour ung seul dieu.

Les. six enfans.

Bien fermement en cestuy lieu

Luy promettons amandement.

Sainct Estienne

Croire en son filz. qui grief torment

3155Pendant à la croix. a souffert

Et voluntairement offert

Pour racheter l’humain lignaige

Le croyés vous.

Les six enfans

De franc couraige.

Sainct Estienne

3160Croyés vous qu’aprés qu’il fust mort,

Et qu’il eut surmonté la mort

Ressuscita victorieux

Et que par dessus tous les cieulx.

Du Pere est monté à la dextre ?

3165Puis il viendra son siege mettre

Comme puissant et potestat

Dessus le val de Josaphat

Qui est soubz le mont d’Olivet

Comme assés amplement le met

3170Le bon prophet Osée nommé

Dedans son livre bien famé

Disant au troiziesme chapitre.

Ascendant gentes in vallem Josaphat qz

Quia ibi sedebo ut judicem omnes gentes

3175In circuitu. etc.

La il fera justice et droit

À ung chascun comment qu’il soit

Sur tous les bons et les maulvais.

Premier enfant

De cela croyre ne fallons pas

Sainct Estienne

3180Puis qu’ainsy donc je vous voy croire

Allez ! Ne voullés au contraire

Et estes bien catholiséz

En la remission des pechéz.

Au nom de Jesus vous baptise.

3185In nomine patris et filii.

Et spriritus sancti : Amen :

Second enfant

Puis qu’à Jesus sommes alliéz

Et devotement baptiséz

Mon cueur en Dieu du tout se fonde

3190En humilité tresparfonde.

Chascun de nous vous remercye

Et en Jesuschrist se confie

Ainsy comme l’avons promis.

Sainct Estienne

Tous les pechéz qu’avez commis

3195Vous sont pardonnéz à ceste heure.

Mais il convient que on labeure

Demeurer de Dieu en la grace

Priés Jesus qu’ainsy se face

Et vous gangnerés paradis.

Premier crestien

3200O vous crestiens. plains de vertus

Qu’en44 la foy du benoyt Jesus

Desirez estres permanables

Vous voyés ses eupvres louables

Communes à tous la chose est telle

3205Que par sa bonté immortelle

Nous a donné la congnoysçance

De son faict et de sa puissance

Et de nous delivrer des liens

De la creance des payens

3210Grace devote luy devons rendre

Et noz mains hault ver luy estendre

Pour demander s’amour et grace

Que cest honneur et bien nous face

D’estre nombrés au sainct service

3215De saincte Esglise trés propice

Pour recepvoir devotement

L’ordre du divin sacrement

Que nous disons la saincte hostie

Affin qu’en45 purité de vie

3220Et aussy comme devons estres

Soyons tous bons et devotz prestres

Cy porons sans dilation

Rememorer sa passion

Recepvent l’ordre de prestrise

3225Selon la foy de saincte Eglise

Et de nostre pere le pape

L’amour de Dieu au cueur me frappe

Pour à l’office pervenir

Tout mon voulloir et souvenir

3230Est d’ensuivre46 par purité

Jesus remply de grant bonté

Luy faisant exaltation

Et hors de tribulation

Nous conduyra paisiblement

3235En joye pardurablement

Lassus pour estre reposés

Second crestien

D’ung tresbon cueur. bien disposés

Nous sommes vous accompagnier

Tenir l’usage et la manier

3240Qu’aujourdhuy47 tient la saincte Eglise

En l’ansuyvant tous sans faintise

Devotement et franc voulloir

Desirant entendre et sçavoir

Le haultain mister de la messe

3245Quant est à moy point je ne cesse

De jour en jour y pervenir

Et ainsy me veulx contenir

S’il plaict à Dieu mon createur.

Troyziesme crestien

Pour parvenir à tel honneur

3250Je suis comptant de tout lasser

Bourg maison et confesser

Que Jesuscrist est souverain

Par dessus tout le gendre humain

Et que sans sa saincte doctrine

3255De laquelle il nous enlumine

Jamais ne porrions eschapper

De l’ennemy le vituper

Affin donc la compagnie

De vostre nombre soit assovie

3260Me voicy prest deliberé

Au sainct service referé

Prandre les ordres sainctes et sacrées

Et que par nous soient decorées

Comme l’Eglise l’ordonnera.

Quatriesme crestien

3265Chascun de nous s’amendera

En recepvant la dignité

Presbiterale. par equité

Distribuant noz biens mondains

Aux devotz povres par noz mains

3270Ainsy que Jesuscrist a dict

Comme nous trouvons per escript

En sainct Marc au dixiesme livre

Par ainsy serons à delivre

Et nostre cas bien ordonné

3275Tout ainsy qu’il a perdonné

À Magdelene au bon lerron laron

Nous donra comme ung bon barron

S’il luy plaict sa misericorde

En ensuyvant l’usage et mode ce

3280Que doivent faire tous bons christes crestien

C’est de delaisser les payens

Et vuyder48 tost de cest place.

Pour trouver le sentier et trace

Du bon Estienne pape de Romme

3285C’est ung devot et prudent homme

Pour nostre faict conciderer

Et commant devons reverer

Le sainct office de la messe

Je sçay qu’il nous tiendra promesse

3290Mais qu’il oye noz intencions

Par justes propositions

Que nous luy porons declairer

Vers luy nous convient retirer

Tous ensemble par ordonnance

3295Pour obtenir la congnoiscence

De noz propoz et de noz ditz

Premier crestien

Seigneur qui les crestiens regis

En sanctité et juste vie

Nostre volunté est ravie

3300Puis que vous avons cy trouvé

Vous dire que suis esprouvé

De tous mes freres qui sont icy

Vous demander de cueur contry

Et requerir moult humblement

3305Pour parvenir à saulvement

Le carecter du digne office

Sacerdotale / à nous propice

Desirantz tous bien en user :

Mais qu’il vous plaise nous y poser

3310Selon l’usaige saincte Eglise

Prestres desirons sans feintise

Estre. et voz ministres nouveaulx

Sainct Estienne

Mes devotz freres et amys tresloyaulx

Mes desires. les plus especiaulx.

3315Raison m’induit49. à vostre faict penser

Mais vous sçavez que par les principaulx

De la cité ce font tant de grans maulx

Que langue à peu le sçauroit recenser

Parquoy convient en secret confesser

3320Ledict mister accomplir sans cesser

Pour evader leur furiosité

Puis qu’en50 ce point nous veullent aggresser

Et en publicque durement oppresser

Faire nous fault cen qu’avés51 recité

3325Secretement et sans prolixité

Le plus subist que faire on le pora

Car ceste gent icy nous assauldra

En qui rigueur et grant orgueil habonde

Ce payen peuple jamais ne s’amandra

3330Et à mourir s’il peult nous contraindra

Car aymés d’eux ne sommes en ce monde

Mais mes amys / celluy où je me fonde

C’est Jesuscrist nostre seigneur

Qui des crestiens est l’anseigneur

3335Auquel devons avoir fiance

C’est nostre espoir et souvenance

C’est le seigneur remply de gloire

Par luy nous aurons la victoire

Cy luy plaict tost nous souvenir

3340Pour l’honorer à l’advenir

Au sainct office que demandés

Combien./ sçachés et regardés

La chose est digne et excellante

Et à Jesuscrist mout plaisante

3345Quant on en use sainctement

Mais / aussy qui injustement

En veult user et sans raison

N’en fructifie son oraison

Or selon vostre doulx parler

3350Qu’il vous a pleu me reveller

Prest je suis vous recepvoir

De vous sacrer feray devoir

Comme on a d’usaige et coustume

Et sy serés de ceste plume

3355Escriptz au livre des bons crestiens

Puis qu’avés52 trouvez les moyens

Le demander sy humblement

Mettés vous cy devotement

À deux genoulx devant l’aultel

3360Pour le calix et le53 messel

Tenir ainscy que les apostres

Second Crestien

Pere sainctz nous sommes tous vostres

Obeissantz à voz beaux dictz

Et les estatus et edictz

3365De Jesuscrist canoniser

Sainct Estienne

Je m’y concens / sans refuser

Vostre demande aucunement

Parquoy tantost subitement

Ferons tout le cas apprester

3370Secretain il fal fault apointer

Tout cen que nous est necessaire

Pour tel hault excellant affaire

Qui concerne à nostre matiere

De cest office seculiere

3375Digne et honneste comme sçavés

Vous. messeigneurs ne vous movés54

Affin de non estre congneu

De ce petit peuple menu

Qui souvent passe le pavé.

Le secrestain

3380Pater sancte je suis levé

De bon matin pour cela faire

Prest je suys à mon affaire

Quant vous plaira me commander

Tout cen qu’il vous plaict demander

3385Vous forniray tout maintenant

Et cy aurés incontinant

Le sainct cresme et casule aussy

Les aulbes blanches sont ja icy

Et ung calix et la tunicque

3390Parellement la dalmaticque

Superlis et les encensieres

Et cy veoicy les singulieres

Ceintures / que vous vistes jamais

Les beauls fenons tous de damas

3395Et les estoles de grant longueur

Pour à mess[i]eurs faire l’honneur

Les candelabres reluisans

Et les beaux cierges dessus ardans

Parellement le benoistier

3400Cy vous avés aulcun mestier

D’en user selon vostre guise

Je l’ay raporté en l’eglise

Comme à tel cas il appartient

De besongner à moy ne tient

3405Pater sancte./ mais commander

Povés tost et vous avancer

Quant vostre bon plaisir sera

Sainct Estienne

Mes amys. quand il vous plaira

À vostre faict je veulx entendre

3410Et qu’il vous plaise moult bien comprendre

Le hault mister où vous serés

Comme bons crestiens vous ferés

Mieulx servir Dieu / qu’au55 paravant

À celle fin que plus avant

3415Vous puissés a en vertus acroistres

Souldiacres / diacres / et prestres

Serés sans faire longue demeure

Ce sont office de valeure

Excellans et treshaultains tiltres

3420Qu’estre56 en saincte Eglise ministres

Des benoys sacremens d’icelle

Faie convient cest apparelle

Non en publicque mais en secret.

Premier porterés en effect

3425Sur vostre teste se sainct amict

Auquel vous prandrés grant deduict

Pour vostre deffence totale

Du premier membre capitale

Ceste aulbe blanche qu’est pure et ronde

3430Vous rendera vostre ame monde

Quant la porterés par honneur

En la memoire du redempteur

Qui souffrit mort et passion

Pour de nous la redemption

3435En apprés aussy porterés

Ceste ceinture que ceinderés

Sur voz rains castes et pudicques

Pour refrener chaleurs iniques

Impudicques et luxurieuses

3440Et pour les eupvres fructueuses

Vous porterés ce beau fenon

Comme il est dict au droict canon

Pour deffendre la saincte Eglise

L’estole aussy vous sera mise

3445En signe de l’obediance

Que devés avoir par prudence

De saincte constitution

Aussy en grand devotion

Ceste chasuble vous vestirés

3450De laquelle orné vous serés

Contre les dars de l’ennemy

Qui de tous maulx en est muny

Voz blanches mains nous oyndrons

Du sainct cresme que nous ferons

3455Pour avoir ce beau maniment

Du precieux sainct sacrement

Qui est le corps de Jesuscrist

Pour l’hongneur de luy qui tout fist

Gardés le droict de saincte Eglise

3460Sans point en user de main mise

Synon à l’office divin

Et cy ferés de cueur begnin

Comme bons prestres doivent faire

Donnés les mains pour à Dieu plaire

3465Et recepvoir les unctions

Manus57 istas consecrari

Fac superne consecrator

Olei virtute sacri

Potes enim ut creator

3470Istas quoque sanctifica

Tua benedictione58

Ut cuncta per has sacrata

Sic semper possint manere

Maintenant estes constitués

3475Fidelz crestiens humiliés

Aux habitz de devotion

Faictes à tous predication

Du sainct teste de l’Evangile59

En demonstrant par tresbon stile

3480Le salut des povres crestiens

Je vous donne donc / et moyens

De par moy vostre famillier

De lier et de deslier

Tous ceulx qui seront confessés

3485De leurs pechés tous amassés

Qui à vous se presenteront.

Premier prestre

Celluy qui les haulx cieulx surmont

Lassus en regale stature

Vous doint la joie que tousjours dure

3490Vous rendent la vostre bonté

Nous donnant force et volunté

De faire chose qu’il luy plaise

Pater \ vostre doulceur courtoise

Voulons en memoire retenir

3495De vous avoir le souvenir

En prieres et oraisons

Priant Jesus qu’an60 ses maisons

Vous vueil logier haultement

[Sainct Estienne]

Mes enfans pour commancement

3500De vostre office sacerdotale

Vous tiendrés en tiltre loyale

Les ordres qu’on61 dict minores

Et d’icelle tunicque serés

Cinctz et circuitz honnestement

3505Et vous deux aurés dignement

La dalmaticques precieuse

Vous donnant puissance fructueuse

Lire le teste d’evangile

Ses petitz en doctrine utile

3510Seront introduictz par leur maistre

Puis que du nombre ilz veullent estre

En l’honneur du roy souverain

Confirmation de ma main

Vous donneray et la tonsure.

3515Car ma pensée me semble sure

Que vous serés vrais champions

De foy : et sans mutations62

Ferés comme les bons crestiens

Fuians la secte des paiens

3520Et pour l’amour et en faveur

De Jesuscrist nostre saulveur

Vous porterés sur vostre chef

La rotondité sans meschef

Que nous disons coronne fine

3525Rememorant celle d’espine

Que porta le doulx Jesuscrist

Comme le dict le sainct escript

Que nous lisons63 par chascuns jours

Porter la puisses par sejours

3530Lassus au haultain paradis

Or mes doulx freres et bons amys

Selon l’usaige de l’Eglise

En toute lettre tres exquise

Vous fault vacquer / et gens sçavans

3535Et retenir les dictz plaisans

De noz bons feux peres anciens

Qu’ilz nous ont donnés les moyens

Vivre selon Dieu et raison

Sans oblier junez64 / oraison.

3540Chastes soiés / soubres devotz

De cueur enseigner les indoctz

Sçavoir escripre lire et chanter

Parler latin / accentz noter

Le teste de la saincte escripture

3545Prescher à toute creature

Et la saincte foy catholicque

Aussy vous fault sans nul replicque

Chascun jour dire vespre et matine

Affin qu’on65 ne tombe en ruine

3550Prime / tierce / sexte / nonne / complie

Comme l’ordonne la compaignie

Du sainct consile saluberrime

Au grant synodale sublime

Et constitution de Bale

3555Qui fust tenu juste et non sale

Cy on le vouloyt observer

Quoy faisant porés approver

De voz ames salut et gloire

Ayant de Dieu tousjours memoire

3560Pour vivre pardurablement

En paradis triumphamment

Voyant Jesus face à face :

Nemesius Chevallier

O puissant Mars gouverneur de nature

Qu’a desservy ta povre creature

3565Que tu voy cy en grant perplexité

Helas mon dieu / quel mal et forfaicture

A faict ma fille. ou pour quelle adventure

Est elle privée de lumiere et clarté

Cy longuement en ce point a esté

3570Que tout son corps en est debilité

Et ne peult prandre du tout sa noriture

Aller ne peust par ville ne cité

Le guide n’a tousjours à son costé

Non aultrement jamais ne s’adventure

3575Encore fault il donc qu’elle endure

Puis que les dieux n’entendent point

Mon piteux plain et contrepoint

Que jours sur jours je leur present

Le cas me seroit moult plaisant

3580Sy une foy la veoye passer

Aller / baller / ou tracasser

Comme filles de noble estat

Je viveroie en grant hesbat

Cy veue povoyt recuperer

Premier prestre

3585Seigneur. vostre ire vous convient temperer

Et recepvoir aucunz bons documens.

De voz erreurs tost vous fault retirer

Et de Jesus prendre enseignemens

Sans avoir peure des peinnes et des tormens

3590Des hommes humains lesquelz sont transitoires

Pour acquerir les glorieux manoires

Que preparés sont pour les bons crestiens

Confort aurés pour parvenir en gloire

Mais que laissés les faulx dieux des paiens

3595Nostre sainct pere vous dira les moiens

Dont votre fille recepvra lumiere

Ne pensés plus à vos temporelz biens

L’honneur mondain mettés tout en arriere

Soyés constant de trouver la maniere

3600Pour recepvoir de baptesme le don

Vous crestienner et demander pardon

À Jesuscrist comme font bons crestiens

Vous obtiendrés vostre petition

Mais que laissés les faulx dieux des paiens

Nemesius

3605Que diront ses gros praticiens

Vous aultres tous plaing de finesse

Vostre cautelle jamais ne cesse

Mesdir tousjours sur nostre estat

Allés garder vostre sabbat

3610Sans à moy cy sermociner

Laissés moy mon deulle demener

Vous n’y sçauriés remide mettre

Premier prestre

Seigneur. je vous veux bien promettre

Sy croire voulés mon conseille

3615Tenir de Jesus l’aparelle

Qu’il nous promet comme puissant

Vous serés tantost joyssant

De vostre tristesse et angoys

Nemesius

Est donc vostre dieu cy courtoys

3620Cy begnin et cy gracieux

De souvenir aux langoureux

Et puissance prandre sur Mars

Qui soustient roys / seigneurs / souldars

En honneur et grant hardiesse

Premier prestre

3625Puissance n’a Mars ni adresse

Et ne vault ung petit festu

Vous estes ung seigneur desceu

Vous confiant en ses frivolles

Entendés de Dieu les parolles

3630Que vous dira le pape Estienne

Et laissés vostre loy payenne

Pour retourner au bon Jesus

Nemesius

Sy je sçavoys que sans abus

Fust vraye vostre narration

3635Desirois d’affection

Nous baptiser moy et ma fille

Parellement et ma famille

Affin sçavoir assurement

Que Lucille vist clerement

3640Comme nous sommes cy en ce lieu

Conte ne feroie de mon dieu

Mars / que j’ay tant invocqué

Puis que par vous suys convocqué

Au beau service du doulx Jesus

3645Je laisseroie tous les abus

De nostre loy cesariainne

Pour recepvoir la foy crestiainne

En servent Dieu à tous jamais

Et amenderoie mes forfaictz

3650Confessant Dieu et saincte Eglise

Second prestre

Faire vous fault selon la guise

Que Jesuscrist a ordonné

Puis quant au pape serés mené

Je croy (voyant vostre constance)

3655De vous aucune diference

Ne fera de vous recepvoir

Troiziesme prestre

Or donc depuis que son voulloir

Est de ce faire baptiser

Nous le devons bien adviser

3660De nostre congregation

Cercher veult la salvation

De luy / sa fille le saulvement

Parquoy de vous entierement

À son faict tretous bien entendre

Nemesius

3665Touttes les peinnes je peux prandre

Pour mon salut. c’est la rayson

À Jesus feray orayson

De tout mon cueur et mon povoir

Affin de clarté tost avoir

3670À ma fillette Lucilla

Parler à elle le conviendra

Pour sçavoir son intencion

Ma fille. sans variacion

Vous fault crestienne estre. m’amye

3675Affin que du filz de Marie

Puissés recepvoir la lumiere

Lucilla

Mon pere je suys chamberiere

Pour faire vostre volunté

De moy / et en honnesteté

3680Point ne vous veulx desobeir

Nemesius

Nostre cas ne veux descouvrir

À nul vivant de mon hostel

Combien que mon vouloir est tel

Faire crestiens tous mes servans

3685Femme et varlés petitz et grans

Par tout où les poray trouver.

Quatriesme prestre

Vostre foy n’est à reprouver

Mais à louer moult grandement

Aller vous fault devotement

3690Au sainct pere vous presenter

Et par amour le contenter

En demandant misericorde

Lucilla

À cela pere je m’acorde

Ne tardons plus faison debvoir

3695Pour veue et clarté recepvoir

Le plus tost subit que nous porons

Nemesius

Lucille ma fille or en allons

À la garde de Jesuscrist :

Pontifz et prestre souverain

3700Dominant cy en ceste place

À toy venons demander grace

De noz pechés remission

Et faire illumination

À ceste povre jeune pucelle

3705Que veult de Jesux estre ancelle

En recepvent le sainct baptesme

À Dieu present et corps et ame

Demandent confirmation

Pour l’honneur de sa passion

3710Je requier estre de sa loy

Sainct Estienne

Mon filz. cy vous avez la foy

De Jesus en vostre couraige

Viendrés à port et au rivage

De ce que luy demanderés

3715Et aussy recupererés

À vostre fille la clarté

Nemesius

Pater sancte / la grant bonté

Que l’on m’a dict du doulx Jesus

M’a faict laisser tous les abus

3720De nostre faulx gouvernement.66

Saint Estienne

Nemese croyés vous fermement

À ce vray Dieu omnipotent

Nemese

Sire j’y croy certainnement

Sainct Estienne

Et en Jesus son benoit filz

3725Qui receupt mort par les juifz

Pour racheter le gendre humain

Nemese

Sire j’y crois soyés certain

Sainct Estienne

Croiés vous resurrection

Aussy sa saincte ascencion

3730La mission du sainct esprit

Nemesius

Tout cela croys comme avés dict

Et sans faveur à nul porter

Nous fera tous resussiter

Au jour de son grant jugement

3735Pour rendre à tous moulx justement

Cen que nous aurons deservy

Sainct Estienne

De cela suis bien esjouy

Puis que vous avés souvenir

D’ung vray crestien tost devenir

3740Gardant commandemens de Dieu

Parquoy serés en cestuy lieu

Baptizés tost selon la guise

De nostre mere saincte Eglise

Que Jesuscrist a ordonné

3745Il vous sera pardon donné

De toutes faultes et pechéz

Et ne serés plus empechéz

D’adorer voz dieux et ydoles

Lesquelz ditent bourdes et frivoles

3750Le tout par eupvre dyabolicque

Quoy faisant / au palais celicque

Vous aurés part et portion

À genoulz par devotion

Vous fault mettre devotement

3755Pour recepvoir bien humblement

Le sacrement que desirés

Nemese soyés baptizé

Au nom du Pere au nom du Filz

Au nom du benoit Sainct Esprit. amen

Lucilla fille

3760Mon pere je voy presentement

Le plus bel homme de ce monde

Environné moult grandement

D’une clarté luysante et monde

Les beaulx crins de sa teste blonde

3765M’ont donné recreation

Et osté de douleur parfonde

Où fuz dés ma67 creation

Il a touché d’afection

Mes deux yeux de sa dextre main

3770Me donnant benediction

Je voy / et treuve mon corps sain

De ceste chose soyés certain

Je le vous dis et vérifie

Parquoy requier à joincte main

3775Que j’aye le baptesme de vie

Nemesius

M’amie. ma fille la bien cherie

À Dieu je dois bien rendre grace

Puis qu’il luy plaict en ceste place

Me donner rejouissement

Sainct Estienne

3780Congnoyscés veritablement

Que vostre vision serie

Vous vient spirituellement

De Jesuscrist filz de Marie

Et pour ce donc n’obliés mie

3785Le saluer bien humblement

À tousjours mais serés s’amye

Recepvant ce baptisement

Lucilla

Je donne à Dieu entierement

Mon corps / mon ame / de tresbon cueur

3790Pour servir se vaillant seigneur

Que Jesus vous m’avés nommé

Sainct Estienne

C’est celluy qu’est le renommé

Par dessus le monde vivant

Celluy qui gouverne et regent

3795L’air et le ciel / l’eaue et la terre

De luy vous devés contenter

Puys qu’avés68 receue la clarté

Et cy aurés l’auctorité

Frequenter avec les crestiens

3800En delaissant tous voz paiens

Par le merite du sainct baptesme

Vecy le lavement de l’ame

Duquel serés purifiée

À ceste devote assemblée

3805De cela je vous en advise

Au nom de Dieu je vous baptise

In nomine patris et filii

Et spiritus sancti : amen

Mes amys croyez pour tout voir

3810Qu’un69 chascun de vous doyt sçavoir

Que le corps de vertus remply

Et des sacrementz assouvy

Doyt aymer amouresement

Son ame affin que dignement

3815Puis estre à perpetuité

Lassus es cieulx bien herité

Et par devote repentance

Resister sans nulle doubtance

À tous les delices mondains

3820Que sont transitoires et soubdains

Comme vous donray à entendre

Mais qu’un70 petit vuellez attendre

Pour obtenir salvation

Fault donner declaration

3825De vostre faict et consiance

Et du tout avoir la fiance

À Jesus qui a tout povoir

Car par luy vous povez avoir

La gloire à perpetuité

3830C’est le vray Dieu d’eternité

C’est le Dieu qui pour les humains

Se laissa parcer piedz et mains

C’est celluy qui la Vierge Mere

Enfanta vierge sans peine amere

3835Et neufz moys elle le porta

C’est celluy qu’en croix supporta

Mort corporelle. ayant envie

De donner au genre humain vie

C’est celluy qui ressuscita

3840Et hors des lymbes rachepta

Noz anciens peres qu’ilz estoient mis

Pour le peché d’Adam71 commis

C’est celluy qui son jugement

Tiendra où chascun justement

3845Sera de ses meffaictz juge

Par congnoyscence de peché

À ce jugement prandront fin

Tous les vivens le chef enclin

Attendant la juste sentence

3850De Dieu / pesée à la balance

De la grant justice divine

Premier que la mort nous affine

Monstrons nous comme vrays crestiens

Et ensuyvons noz bons anciens

3855Qu’ilz ont vescu moult sainctement

Affin que pardurablement

Puissons regner en paradis : amen

Nemesius

Mediateur d’entre Dieu et les hommes

Le Messias à qui subjectz nous sommes

3860Vray filz de Dieu conceu par pureté

Qui par ardeur de saincte charité

As tant aymé l’homme que mort cruelle

Voulus souffrir pour l’oster de tutelle.

Et qui as dict et voulu ordonner

3865Que l’ung à l’autre est tenu pardonner.

Toutes les fois que l’homme le demande

Et oultre plus ta bonté nous commande

Que ne vueillons noz freres affliger

Mais s’ont72 fally. leur faultes corriger

3870Ton plaisir soit que par ta grace exquise

J’ayme tousjours l’union de l’Eglise.

Te rendent grace et collaudation

M’avoir receu en congregation

Des bons crestiens pour recepvoir baptesme

3875De ton hault nom73 je me tiens et reclame

Te meritant de ta grant charité

Avoir donné à ma fille clarté

Que de jeunesse avoir pardu la veue

Ta loy sera par moy chiere tenue

3880Me soubmettant à jamais ton servant

Et à tes dictz du tout obeissant

Cy te plaict sire me tenir en amour

Et devers toy avoir tout mon retour

Par charité si fort soye esjouy

3885Qu’estre74 je puisse à ma priere ouy

Et exaulsé. tu le peulx bien permettre

Favorisant tes serviteurs. et estre

Au meilleu d’eulx / car tu veulx estimer

Paisible gens / charitables aymer :

3890Te plaise encor en te faisant hommaige

Eslever tant en vertu mon couraige

Qu’aye75 en desdaing paiens faulx abuseurs

Et que pardonne à tous mes malfaicteurs

En te servant de service agreable

3895Puissant seigneur clement et pitoyable

Là où j’ay mis mon singulier desir

Fais que tousjours face ton bon plaisir

Et qu’aprés76 mort ma volenté et povre ame

Ne puisse entrer en l’infernalle flame. amen.

Dieu le Pere

3900Michiel / Gabriel / descendés en bas

Allés subit au pape Estienne dire

Qu’en77 soy reçoypve confort. joie. et solas

Point ne le veulx laisser ny escondire

Et qu’il ne crainde ses tyrans remplys d’ire

3905Commis pour faire grand execution

Soubz l’empereur de parsecution

Valerian./ de son travelle et peine

Luy sera faict la retribution

Icy en haulte en ce noble demeine.

Michael

3910Vostre vouloir d’une voix seine

Dieu eternel et infiny

Tout ainsy qu’avés diffiny

Sera faict soyez certain

Gabriel

Des haultains cieulx le souverain

3915Que tout fict / faict / aussy fera

Vostre vouloir tost faict sera

Selon vostre commandement

Michiel

Estienne pape escoute moy

Dieu tout puissant vers toy m’anvoye

3920Te dire / ferme soys en la foy

Et que tu tiengne la bonne voie

En bonne fin auras la joye

De paradis se haultain lieu

Toy et les tiens que tu connois78

3925En la saincte cité de Dieu

Gabriel

Pape devot remply d’honneur

Et de sanctification

À toy m’envoye le createur

Garny de domination

3930Te dire qu’en79 affection

Tu endoctrine les crestiens

Par saincte demonstration

Affin convertir les paiens

Sainct Estienne

Dieu tout puissant de vraie eternité

3935Regnant lassus par dessus tous les cieulx

Je te rend grace / d’avoir par ta bonté

Enseignement des anges glorieux

Pardonne moy ce dire ne sçay mieulx

Tout mon voulloir je mes à ton plaisir

3940Puis que des tiens tu m’as voulu choisir

Jusque à la mort d’ung bon cueur et entier

Te serviray faisant tout mon devoir

Aymer l’Eglise d’ung amour singulier

Puis que je voy que c’est ton sainct vouloir

Michiel80

3945O Dieu eternel.

Ton dict qu’estoit81 tel

Que m’a commandé.

J’ay faict au sainct pere

Qui regne sur terre.

3950Comme as ordonné

Gabriel

O82 Dieu glorieux

À chascun piteux

Et tresdebonnaire

Au bons vertueux

3955Doulx et gratieux

Ton command bien faire

Dieu

Mieulx ne sçariés à moy complaire

Que d’ensuyvre mon ordonnance

Et ma volunté tost perfaire

3960Où ne pretendés ignorance

Je veulx icy en audiance

Vous chantés tous par melodie

Participans de ma clemence

Vous feray tous je vous affie

Lucifer

3965Au puys de dueil en peine intollerable

En mon logis ort et abominable

Prince je suis des palus infernaulx

Venés à moy de par tous les dyablez

Jectés ung cry horrible et lamentable

3970Et retournés en voz lieux paternaulx

Faictes flamber voz bruineux metaulx

Soyés tousjours à tenter resolus

Faictes descendre aux infernaulx palus

Hommes et femmes en douleur et machine

3975Où est Pluto avecqz Proserpine

Avecqz Datham et avec Abiron

En la prison de puissance divine

De laquelle jamais n’en partiron

Sathan. Belial. Astaroth. vous tretous

3980D’où tous les grans dyables venés vous

Faictes vous rien villains paillars infames

Estre deussiés plus ravissans que loups

Tout est pardu cy ne pensons à nous

Et n’aurons plus ceans hommes et femmes

3985Ce faulx Estienne plain d’ordures et difames

A retiré par predication

Plusieurs paiens à f souffrir passion

Les nous oster. bien prés que je n’anraige83

Car il fauldra qu’en84 douleur et en raige

3990Sans compaignie condampnés demourons

Ceste maison aurons pour heritaige

De laquelle jamais n’en partirons

Lucifer suis par nom hereditable

Dessus vous tous prince moult redoutable

3995Oyés mes cy cry et par mons et par vaulx

Mauldictz soyés detestateurs dempnables

Cy ne me faictes ung plaisirs trés85 agreables

Me visiter pour guerir mes grans maulx

N’oyés86 vous pas mes furieux appeaux

4000Que je lamente en ce goulfe et palus

Oyant hurler se meschant Tantalus

Qu’en87 enfer meurt de soifz et de famine

Allés au monde mettés tout à ruyne

Amenés les au lieu où souspirons

4005En cest horreur et punaise cusine

De la quelle jamais n’en partirons

Sathan

Hau | Lucifer | qu’esse que nous ferons

Enseigne nous quelque chose nouvelle

Ne doubte point / bien là pourchasserons

4010Souffisamment par force de cautelle

Par mon droict nom chascun Satan m’apelle

Que le monde fais apostatiser

Je fais clergie et prestres deguiser88

Mais cy je puis trouver quelque traficque

4015Où bien je puisse mon engin aguiser

Ne vous doultés que bien ne là praticque

Belial

Jadis tu fus nommé Luciabel

Et pour clarté appellé Lucifer

Tant tu estoys excellentement bel

4025Mais maintenant es aussy noire que fer

Que me veulx tu / remply de vituper

Le plus infect que fust oncqz charongne

Prest je suis mettre main en besongne

Pour à chascun livrer ung grant abus

4030Tourne vers moy ta veroleuse trongne

Dictz que tu veulx | J’en viendray au dessus

Astaroth91

Moy qui suis dict le vaillant Astaroth

Saige. soultil. caux. et malicieux

À conquette d’ames92 plein une hothe

4035À Romme Naple / et plusieurs aultres lieux

Oncques dyable ne tomba des sainctz cieulx

Qui mieulx forgea trahyson que je forge

Je prens putains par le ventre et la gorge

Ruffiens93 j’amasse par grande compaignie

4040Et cy leur faiz renoncer Dieu. sainct George

Les kyrielz. et la Vierge Marie

Belzebuth

Prince d’enfer quant je t’ay entendu

J’ay travaillé pour venir en temps deu

Sçavoir de toy cy jamais tirerons

4045Hommes ne femmes soyt neyé ou pendu

En cestuy puis où tu es descendu

Du quel chaos jamais ne partirons

Dis maintenant qu’esse que nous ferons

Belzebuth suis faulsaire94 et mensongier

4050Sy tu sçais rien de mal où m’emploier

Je te supplie avoir commission

Les devorer. et sans remission

Car j’enraige de tant me reposer.

Lucifer

Sus tost il se fault disposer

4055Vous transporter vers les paiens

Les infester par faulx moyens

Par telle façon et arroy

Qu’ilz ne soient croyant à la loy

D’ung mauldict convertissement

4060Qu’Estienne a faict nouvellement

D’aulcunz paiens qu’il a troussé

Et à sa loy les a poussé

Qui est pour nous ung grant dommaige

Et cy a faict par son oultraige

4065Nemese et Lucille baptiser

De cela vous veulx adviser

Affin que soyés diligens

Faire debat et grantz tourmens

À ces crestiens plains de malice

4070Et pour ce que tu es propice

Tu auras la commission

Parsuader d’affection

Valerian l’imperateur

Qui de Romme est prince et seigneur

4075Je croy à mon intencion

Qu’il y aura discention

Cy on n’y va remide mestre

Et la cause pora bien estre

Es payens d’eux tous convertir

4080Il les fault aller soubvertir

Subitement / et par tel point

Les abuser qu’ilz ne croient point

Que la chose soit veritable

Sathan./ tu es homme notable

4085Besongnier par illusion

Et faire ceste abusion

Contre Jesuschrist. et sa loy

Meinne les aultres avec toy

Car c’est le meillieur ce me semble.

4090Belial vous irés ensemble

Astaroth aussy Belzebuth

Sathan

Avant que le faict soyt esmuth

De vous fault avoir saulvegarde

Contre Jesus qui crestiens garde

4095Pour de nous la tuition

Ou vostre benediction

Affin que soyons assurés

Lucifer

À tous les dyables serés

Recommandés. rendus. conduictz

4100Pour rencontrer voz ennemys

Et vous mener mauldict vie

Que de cent paires de maladie

Soient voz ames et corps tourmentés

Et tous voz membres transportés

4105Que la meindre sans plus grand perd

Ce soit la rage sainct Hubert.

Et d’une groce de degrés

Puissés vous estre tous tombés

Tournant cen qu’est dessoubz dessus

4110Ayant tretous les colz rompus

Le meneur du jeu

Vous gens d’honneur qui desirés entendre

Les anciens faictz des empereurs et roys

Par ce mister vous povés bien comprendre

Le grant erreur qu’ilz tenoient en leurs loyx

4115Le pape Estienne a souffert plusieurs foys

Pour soustenir la foy de Jesuscrist

Et tant a faict par le divin esprit

Que converty il a aulcuns paiens

Comme na gaire nous vous avons deduit

4120Et le reduire à la foy des crestiens

Pour ce seigneurs qui avés veu jouer

Le primitifz et la fondation

De la legende de cest homme à louer96

De pape Estienne et son erection

4125Plusieurs paiens par son occasion

Ont pris l’abit de nostre crestienté

Et de leur vice en Jesus suscité

Comme Nemese et sa fille Lucille

Prenés en gré cen qu’avons97 recité

4130La chose est vraye / à tous crestiens utile

Sy fault y a la brefveté en est cause

Pour exprimer telle grande matiere

Où le lengaige. longitude de pause

Que n’a peu estre du tout sainne et entiere

4135Nous vous prions supplier la maniere

Du lourd parler qu’avons98 icy usé

Le tout demain cen qu’est mal proposé

Radouberons devant vostre assistance

Mais que le temps soit assés disposé

4140Et qu’il vous plaise nous prester audiance

Nobles assistans affin que je ne faille

Les joueurs toux vous font remercier

De ce qu’avés enduré la bataille

De leur parler / et vous humilier

4145S’il vous plaict tous aller ressazier

Voz humains corps. Et retourner demain

Vous voirés tous sachés pour le certain

Commant le faict se pora demener

Par les crestiens et le glorieulx sainct

4150Qui contre erreur veullent tous repugner

Prince puissant procreé de Marie

Peuple confesse estre par toy instruict

Garde de mal la compaignie

En leur donnant à chascun bonne nuyct

4155Car en toy seul est leur foy et credict

[Le meneur du jeu]

Nobles assistans qui desirez sçavoir

Les faictz et dictz du glorieux martir

Le bon Estienne qui a faict bon / devoir

Soy preparer pour grant tourment sentir

4160Soubz l’empereur / de ce ne veulx mentir

Et pour lequel sommes icy assemblés

Et noz habitz simplez et redoublés

Selon la mode et du jeu la maniere

Pour vous monstrer une loy coustumiere

4165Que doit avoir chascun qui veult entendre

La foy de Dieu qu’on ne doit en arriere

Mettre. qui veult son salut bien comprandre

Le pape Estienne de bon cueur vint mort prendre

En cestuy monde soubz l’empereur predict

4170Valerian. qui le fict mort estendre

Cruellement. sa vie est par escript

Le faulx tyrant trespervers et mauldict

Pour reverer son Dieu pernicieulx

Et contempner Jesus tresprecieulx

4175A faict destruire les crestiens vilement

En plain carfour par son malin vouloir

Devant chascun et tout publicquement

Comme porés aprés apparcevoir.

Presentement vous verrez cy jouez

4180La verité du faict par les parties

Mais qu’il vous plaise noz joueurs advoer

Et escouter les motz / pointz et parties

Fables ne sont ne ruse ou rayveries

Mais verité comme dict la legende

4185Que saincte Eglise à lire nous commande

Et cy voyrés lorde l’ordre bien mis apoint

Mais que de vous ayons quelque silence

Joueurs sont prestes comme arsoir ilz estoient

De bien jouer s’ilz on bonne audience

4190Pour commancer verrés Trotemenu

Le messaigier du cruel empereur

Qui des pays forains est revenu

Pour declairer à son maistre et seigneur

Commant Nemese qui est prince d’honneur

4195Et Lucilla sa primitive fille

Sont baptisez et toute sa famille

Par sainct Estienne se glorieux baron

Lequelz seront tous livrés à martir

Publicquement comme on faict ung laron

4200Le tout verrés cy ne voullés partir

Prince royal donne nous le povoir

Tel euvre faire de quoy en soit memoir

Et que chascun de toy on se reclame

En nous donnant par ton begnin vouloir

4205Santé au corps et paradis à l’ame.

Amen

Trotemenu

Or me fault il present enquerre

Puis que je suis venu à Romme

Cy je sçauroie trouvez quelque homme

4210Pour me dire ou est l’empereur

C’est ung monarche de valeur

Aller me fault en sa maison

Car advis m’est selon raison

Au matinet à son lever

4215Je le poroie là bien trouver

Il m’est advis que je le voy

C’est à luy qu’adresser101 me doy

Pour tost luy dire et declairer

Que Nemese a faict preparer

4220Baptesme pour luy et sa fille

Le divin Mars plain de valeur

Cerchant salut à ses amys

En tout vostre faict vous sequeur

Et destruise voz ennemis

4225Tous les mondains soubz vous soient mys

Sans ce qu’il vous puisse ennuyer

Pour l’honneur qu’en102 vous est premis

De vous je / me veulx apuyer.

L'empereur

D’où vient ce gentil messaigier

4230Qui de loing temps estoit perdu

Propre il est pour estre escuyer

C’est le gentil Trotemenu

Or sa que t’é il advenu

Depuis ton dernier partement

4235Sces tu rien de gros ou menu

Dire le fault. et promptement

Trotemenu

Sire empereur par mon serment

De le vous dire je n’oseroie

De peur vous mettre hors de la joye

4240Ou je vous voy à se matin

L'empereur

Cy parler sçay grec ou latin

À ceste heure le fault monstrer

Ou de brefz te fault retirer

Sans approcher mon haultain throsne

Trotemenu

4245Je puisse dedans Tymbre ou Rhone

Estre neyé et abysmé

Cy en sorte qu’on a clamé

Ne. le vous compte de mot en mot

Nemese vostre grant bigot

4250À quy aviés faict tant d’honneur

Ne vous tient plus pour son seigneur

Car il est crestien devenu

L'empereur

Que me dis tu Trotemenu

Je croy que tu rave ou tu songe

Trotemenu

4255Sire empereur dictz ne mensonge

Ne vouldroie à vous deviser

Qu’a103 verité vous amuser

Pour l’honneur de la majesté

De vostre imperialité

4260Qu’avés104 par dessus les humains

Et qui plus est et soirs et maintz

Luy avec Lucilla sa fille

Parellement tout leur famille

Sont en priere et oraison

4265Et des crestiens hors de raison

Louant Jesus filz de Marie

L'empereur

O prodité meschante compaignie

Ou residoit mon conseille et fiance

Tu m’as trahy pervesse progenie

4270Le cueur me part je perdray patience

Loing temps y a que ma begnivolance

Avoys acquys et mon amour entiere

Et maintenant tu retourne en arriere

Contre ton dieu Mars qui t’avoyt105 norry

4275Cy tendrement par sa haulte puissance

Et tu te bande comme ung cueur defailly

Faulx et mauldict remplis d’oultrecuydance

O meschant homme cueur endurcy

Moult desleal et affoibly

4280Pourquoy a commis telle offence

Homme de l’honneur dessazy

Par Mars / tu en seras pugny

Et en porteras penitence

O folle imprudence

4285Hebetée scïence

Tu fis follement

Contre conscïence

Par malivolance

Faulcer ton serment

4290Certe je sçay que par l’annortement

Des faulx crestiens tu as honteusement

Renoncé Mars par ta grande injustice

Pour quoy fust ce tu106 estois entierement

Tous des premiers de mon hault parlement

4295Mon chevallier qu’est riche benefice

O mauldict office

Puant malefice

Ramply de tous maulx

Failloyt il que feice

4300Par ta folie nice

Ung mesfaict cy faulx

Mes conseilliers que je tiens trés loyaulx

Je vous demande conseille et advis

Pour tost sçavoir de ses crestiens mauldictz

4305Commant devons besongner surement

Et de Nemese qu’est principalement

Plus apparent de toute ma maison

Troublé j’en suys je vous dis la raison

Et vouldroie bien qu’aultrement107 en fust faict

4310Et que la fault congnust et son meffaict

Pour luy donner plenier remission

Gallienus Maxime / premier que motion

Surviengne au peuple sur cestuy affaire

Vostre conseille sur ce ne devés taire

4315Mis en parler par droict et verité.

Gallien. Conseillier

Puissant seigneur plains de bonté

Ce cas est grefve et inhumain

Renoncer Mars dieu souverain

Auquel devons foy et hommaige

4320Et ce mettre en aultruy servaige

Soubz ung Jesus mal approuvé

Qui seducteur fust reprouvé

Comme il est dict en nostre loy

Ou nous devons adiber108 foy

4325La deffendent jusque à la mort

Nemese n’a quelque support

Plus grand de vous entierement

Parquoy devés incontinent

Mander par tout pour le trouver

4330Publicquement le reprouver

Et en faire execution

Maxime

C’estoit certes mon intencion

Que le ficiés par tout cercher

Et bien menu le detranchier

4335C’il ne vient vers vous à mercy

Tel cas demeurer impugny

Ne doit / pour la crainte et fureur

Que les dieux porroient par rigueur

Contre votre droit susciter

L'empereur

4340Mars je jure / le grand dieu Jupiter

Appolin. Gort / Dagon et Tervagant

Nembroth / Ninus / Berith le trespuissant

Que j’en prandray la vindication

Cy trescruelle que murmuration

4345En sera faicte par toute Romenie

Et cy feray oster à tous la vie

Ceulx qui croyront en ce fol Jesuscrist

Soit par baptesme. per sinacle. ou par dict

Point je ne veulx que Mars soit delaissé

4350Mais par honneur sera recompansé

D’estorssions qu’on109 faict sur ma puissance

Griffon. Trongnart. il fault que l’on s’avance

Et toy Gueudon sans oblier Broyart

Allés par tout devant qu’il soit plus tard

4355Et enquerés le lieu ou est Nemese

Ne luy laissés le vaillant d’une freze

Que tout ne soit pillé et emporté

Cerchés le lieu ou il s'a transporté

Ne faillés pas faire execution

4360Comme sçavés sans cogitacion

Du dict des gens. ne de leur parlement

Griffon

Mon chier seigneur ou gict vray jugement

Bien nous ferons ceu qu’avés110 commandé

Vela de quoy pour le commancement

4365Ung traict d’espée que j’ay loing temps gardé

Sans le monstrer / mais je l’ay retardé

En mon sçavoir pour quant besoing seroit

De besongnier en ung chemin estroit

Voz ennemis en seront corrigés

4370Frappés battus pour vostre loy deffendre

Et cy seront daubés. bus. et mangés

Cil n’est ainsy que l’on me meinne pendre

Trongnart

Seigneur par doulce amour et tendre

Je vous prie soyés assuré

4375Que je ne suis point le plus mendre

Mais suys hardy. demesuré

Bruyant. tonant. desesperé

Quant se vient pour en chair frapper

Contant suis d’estre111 dechiré

4380Mais que puis ung cretien happer.

Gueudon

Cy Nemese peux attrapper

Aussy Lucille parellement

Garde n’auront nous eschapper

Sans avoir deux bon paiement

4385C’est tout. besongnons hardyment

Et ne craindons Dieu ne dyable

Jusque qu’au112 jour du grant jugement

Nous aurons bon terme payable

Broyart

La treuve sera profitable

4390Mais que d’acord soyons ensemble

Le tout mis au profict de table

Cy par nostre fault on ne l’amble

En hardiesse te resemble

Gentil Gueudon pirat de mer113

4395Garde la branche du chene ou tremble

Cela te seroit fort amer

Il nous convient tous conformer

À vous servir sire empereur

Nemese ferons reprimer

4400S’il ne vous vient faire l’honneur

Il estoit grand mais est mineur

Parquoy sera obeissant

Ou par nous il aura malheur

Comme ung laron povre et meschant

L'empereur

4405Or allés que dieu tout puissant

Qui telz gens conduict à bon port

Vous face chascun joyssant

En vous preservant de la mort.

Griffon

Broou haha. ou sont ses gueux

4410Qui de Mars ce sont separés

Cy les trouvons les maleureux

Mort dieu / ilz seront fricassés

He Trongnart / qu’ilz soient amassés

Nous aurons clicquaille à plaisir

4415Mais qu’ilz soient tretous trepassés

Sur terre ferons leurs corps gesir

Que dyable est ce que tu pense

Vertu dieu / tu es hebeté

En ton cueur n’a rejoyssance

4420Plaisir lyesse joyeuseté

Chantons fuyons adversité

Adonnons nous à forfaicture

Et par nostre subtilité

Nous trouverons quelque adventure

Trongnart

4425Ceste malheure tousjours nous dure

Demeurer seul sans besongnier

Et cy ne trouvons creature

Pour gaignier maille ne denier

Je vouldroie bastre / prandre / ou pillier

4430De sa dela de toute pars

Puis par bordeaulx solacier

Cerchier des crestiens les repars

Nous avons licence et povoir

Meurtir et fille violer

4435Cabasser l’ung et decepvoir

L’aultre apprés le faire voler

D’or et d’argent sans plus parler

Nous fault avoir en abondance

Cy nous voullons pavé brouler

4440Sans regarder la conscience

Gueudon

Et regardés la contenence

Que font ses deux gras marmitons

Il semble advis par leur bobance

Que ce soient deux hardis pietons

4445Ilz ont bien lavé leurs mantons

De ses bons vins grec et barroys

Et n’osent aller dela les montz

Tant ilz craindent les Albanoys

Tous vos ducatz sont ilz de poys

4450Ou valloy franc et bonne mise

Vous ne valés febves ne pois

Il pert bien à ceste chemise

Tu la vetz tousjours à ta guise

Qu’est fort infame et mal polie

4455Je croy que poulx sont en franchise

À bonne et grosse compaignie

Broyart

Laissons ceste dyablerie

Marchons cryons par les carfours

Sçavoir cy en la Romanie

4460Sçaurions trouver pour le retours

Aucuns crestiens. tous à rebours

Leur ferons le Tymbre passer

Pareillement et aux faulx bourgs

Les yrons tretous oppresser

4465Allons tous quattres faire devoir

Apprehender Nemesius

Puis apprés nous porons sçavoir

Commant ferons par nos abuz

L’attraper. Je n’en fais refus

4470Aucunement nous sommes caulx

Nous dussyons estre revenus

Leigierement par motz et vaulx

Griffon

Vecy quattre vaillans ribaux

Pour bien tost faire une mellée

4475Trongnart disons par assemblée

Une chansonnette jolye.

L'empereur

Gloire. vertus. triumphe. pompe haultainne

Et bruit terrien haulte brague mondainne

Biens à planté reluysant en ma terre

4480Dont je marcie l’essence souverainne

Qui luy a pleu me octroier le demainne

Par lequel puis beaucoup d’honneur acquerre

J’ay surmonté et donté par grant guerre

Persecutés mes mortelz ennemis

4485Mais touttefoys sans priere ou requerre

Au grant besoint on congnoist ses amis

Quant je soulloie avoir Nemesius

En mon palais avec Olimpius

Bons chevalliers d’armes. digne d’honneur

4490Et d’autre part vecy Galienus

Maxime aussy me servant sans abus

À ce Nemese je presentoie faveur

Et maintenant le mauldict seducteur

Qui pour regner je luy avoie permis

4495Laisse mon dieu pour soy mettre en erreur

Au grant besoing on congnoist ses amis

Or suis je dieu merci commis

Au sainct empire seigneur et roy

Parquoy m’est advis que je doy

4500Au bon dieu Mars moult me fier

Cy veux aller sacrifier

À son temple devotement

Trotemenu. hastivement

Par la cité te fault aller

4505Et à chascun moult bien parler

Qu’ilz me viengne faire assistance

Tantost icy en ma presence

Pour moy conduyre legierement

Et leur ordonne expressement

4510À chascun faire bon devoir

Venir au temple pour veoir

Le sacrifice que presentons

De brebis. beufz et de moutons

Cy nul y fault par preminence

4515Nous en prandrons telle vengence

Les dieux seront glorifiés

Et les paiens clarifiés

C’il plaict à Mars dieu de bataille

Trotemenu

Je m’en iray vaille que vaille

4520Aujourd’huy plus tost que demin

Et cy feray pure et à plain

Sire vostre commandement

Je m’an voy tost subitement

Parmy vostre cité de Romme

4525Pour à chascun faire une somme

Que contiendra tout vostre edict

Et le porteray pour escript

Pour en brefz faire ostention

Le laboureur

Cy j’estoie roy per mon serment

4530Je me feroie craindre et doubter

Mais je suys en peine et tourment

Et cy n’ose ung mot barbouter

Le dyable me fict flater

Pour prandre femme en mariage

4535Tous les jours ne faict que troter

Morir peust elle de mal rage

Trotemenu

Que dis tu homme de village

Tu es marry à mon advis

Il semble que tu sois cy mis

4540Comme un espie sur le chemin

Le laboureur

Par ma foy sire dès le matin

Elle est partie de la maison

Que riagal et mal poison

Luy puisse l’ame separer

Trotemenu

4545Le loup te puisse devorer

Ton corps et toutes tes entrailles

Sans laissez tripes ne tripailles

Entier. mauldicte creature

Qu’est ce que tu fais sur la dure

4550Mouvent ensemble se blanc bouet

Par le sang bieu je croy que c’est

Quelque papin pour la dinée

Le laboureur

Vrayment quant elle en est allée

Chieu le curé nostre voysin

4555Paix.

Elle m’a faict lever matin

Pour chaufer sa chemise blanche

Je luy a preparé sa manche

Ses chausettes aussy ses solliers

4560Paix. de par tous les dyables

Mieulx seroie comme les sorciers

Que d’estre116 ainsy en grant tutelle

Jamais meschine ny ancelle

N’eust tant de mal quete demeine

4565Paix te dis je

Paix. de par tous les dyables

Mieulx seroie comme les sorciers

Que d’estre ainsy en grant tutelle

Jamais meschine ny ancelle

4570N’eust tant de mal quete demeine

Paix te dis je

Et ma commande sur grant peine

De berser ce petit mignot

Et m’a dict mes de l’eaue au pot

4575Sur peine d’estre bien daubé

Je seroie sire bien desroubé

Cy le dyable l’emportoit

Encor fault comme deveroyt

Faire papin à cest enfant

4580Et cy ne sçay ne tant ne quant

Comme sa paix poray avoir

Trotemenu

Tu es (ma foy) digne d’avoir

Ung habit verd comme cocqu

En ton cas tu es bien deceu

4585Comme ung bec jaune ou ung follaitre

Le Laboureur

Faict vous bien du gentillaitre

La plume estant sur le bonnet

Bien vous feroyt coucher en l’aitre

Porter le bled au moulinet

4590Et seriés apellé Jannet

Vous envoyant puis cy puis la

Plus subject seriés en effect

Que Sanson fust soubz Dalida

Et vous feroit crier haha

4595Troys ou quatre foys la sepmainne

Trotemenu

Ce feroyt tes fievre quatainne

Fol estourdis et mal en point

Je te donray sur ton pourpoint

Et sur le bonnet de ta teste

4600Pense tu que soie une beste

Dis villain layd meschant coquu

Le Laboureur

Coquu. coquu. enham. coquu

Nostre Dame y le fault bien estre

Ou on me menroyt au champ pestre paistre

4605Sans la besace et la bouteille

Et seroie noir comme cornelle

En recepvant la bastonnade.

Trotemenu

Et le feux sainct Anthoinne t’arde

Je suis plus sot de t’escouter

4610Alleur me convient transporter

Pour faire ma commission

Vecy lieu de devotion

Ou l’empereur veult adorer

Le dieu Mars et le reverer

4615Tressainctement comme il m’a dict

Bon seroyt faire mon edict

Publicquement et à hault cry

Payens viendront en ce lieu cy

Pour ouyr mon son et clameur

4620Oyés. Oyés. seigneurs oyés

De par l’empereur nostre sire

Vous commandons que tous soyés

Au temple Mars sans contredire

Sur peinne d’encourir son ire

4625Et courigés cruellement

À tous chascun le vous vien dire

Affin d’eviter tel tourment

Sadoch : premier prestre de la loy

Calcas mon frer que vous ensemble

Du hault cris de Trotemenu

4630Il m’est advis comme il me semble

Cy vous l’avés bien entendu

Que tout le peuple gros et menu

Seront avec l’empereur

Il fault que de nous soyt receu

4635En grande gloire et en honneur

Calcas : second prestre de la loy

N’en disons mot c’est le meilleur

Que sçarions avoir en ce monde

Par le dieu Mars de grant valeur

En qui toute bonté habonde

4640Tous les paiens cy à la ronde

Viendront aporter plusieurs dons

Gemyssant en douleur parfonde

Pour acquerir noz grans pardons

Sadoch

O que riches tost nous serons

4645De recepvoir ung tel butin

Adviser fault que nous dirons

En oraison soir et matin

Nous viverons bien sans hutin

Et ferons grant gaudeamus

4650Cy parlerons grec et latin

En chantant le jubilemus

Calcas

Nous salurons / Jupiter / Saturnus

Palas / Venus / Juno / Pluthon / Mercure

Proserpina / Cibeles / Vulcanus

4655Et Neptunus / Cupido de grant cure

Thytan / Diane / jusque à la nuyct obscure

Prirons Phebus / Phebe / Mars / et Phethon.

Pan / Seluanus / Eolus / à hault ton

Sans oblier le puissant dieu Athlas

4660Et Appollo / Priapus et Tyton

Par noz hault cris serons riches à jamais

Sadoch

Et que je prens joie et moult grant solas

D’ainsy ouyr les haultz dieux invocquer

De tresgrans dons serons tous deux refais

4665Garder nous fault de le communicquer

L’oblation ne peust on revocquer

Mais viendront tous en y contribuant

Les draps de soie. bestial. or. argent

Recepverons pas sainct personnaige.

4670De l’holaucauste ferons bon partement

Mais qu’ilz aient faict leur sainct pelerinaige

Calcas

Bon seroit prandre l’avantaige

Pour faire noz prepartions

Et radouber les fractions

4675Du temple et de noz ornemens

Affin de dire qu’entendemens

Nous avons. pour bien gouverner

retirons nous sans bruit mener

Pour adviser à nostre faict

Trotemenu

4680Temps est que face mon messaige

Et cen qu’on m’avoit ordonné

Affin que trouvé je soie saige

Et de grace porsionné

Combien qu’il ne m’a rien donné

4685Pour la despence de ma journée

J’espere en estre gardonné

Selon raison et ma pensée.

Puissant seigneur. j’ay accomply

De tout point vostre mandement

4690Cy verrés ains torr trois jours d’icy

Tous voz paiens hativement

Qu’avés mandé entierement

Pour vous venir accompaignier

Nul n’y fauldra aucunement

4695Venir par amour singulier

L'empereur

Tu es diligent messaigier

Pour accomplir une ordonnance

Pour toy jouer solacier

Vela centz solz que je t’avance

Trotemenu

4700Mercy vous dis / en pacience

Les reçoy. pour l’amour de vous

L'empereur

Puis qu’il a pleu à Mars dieu de batalle

Me couronner empereur de Romme.

Ou je possede or. argent. et cliqualle

4705Faire luy veux ung present de grant somme

Dedans son temple ainsy que je vous nomme.

Parquoy j’entens que vous m’acompaignés

Jusques au temple il fault que me menés

Comme monarche. empereur. et paien

4710Olimpius. Je vous prie n’y faillés

Maxime aussy. et le saige Gallien

Olimpius

Sire empereur je suis homme de guerre

Qui tous mon temps a tenu champ et serre

Pour Virius vostre predecesseur

4715Et vous aydé totallement conquerre

Le vostre empire et plus part de la terre

De cen qu’est faict ne vous en suys menteur

Chascun le sçaict amys je vous asseur

Pour peinne prandre et aussy plusieurs maulx

4720Vous voiés l’homme qu’en soufrance et travaulx

Vous a servy. nompoint desordonné

Aucunement. Mais par mons et par vaulx

À vous suivre me suis habandonné.

Galien

Excellent prince. glorieux magnificque

4725Valerian appellé pacificque

Nous tous ensemble mercions nostre dieu

Qui tant vers nous sa bonté il applicque

De nous pourvoir d’homme cy autenticque

Pour regenter et gouverner ce lieu

4730Vous refuser ce ne seroit pas jeu

Prestre nous sommes de volunté joyeuse

Vous ensuyvre par eupvre fructueuse

Nostre vouloir tel est et bon conseille

Il fault tenir gravité serieuse

4735Pour los avoir de Mars et sa sequelle

Maxime

Le grant dieu Mars nous a tresbien proveu

Que son plaisir a pleu devons permettre

Que des paiens soiez bien maintenu

Vray empereur le seigneur et le maistre

4740Amy vous estez de Mars et de son prestre

Chascun vous doit priser et honorer

Voyant l’honneur procedant de vostre estre

Quant vous plaira nous yrons preparer

L'empereur

Sans plus parler. ne voulons demeurer

4745En ce lieu cy. mais tout presentement

Partir nous fault tantost subitement

Par ordonnance et noble compaignie

Pour adorer Mars et sa progenie

Comme on doit faire par veux et par promesse

4750Je ne veulx point que nostre ordre ce cesse

Jusques à tant que serons arivés

Vous mes haulx bois faictes comme sçavés

Sonnés clairons fifres armonieulx

Pour esjouyr les humains et noz dieux

4755Comme on doit faire à telle noble assemblée

Et ung chascun aille la gueulle bée.

Chantant / ryant collaudent le dieu Mars

Approchés vous venés de toute pars

Pour recepvoir la benediction

4760De notre dieu ou par fruition

Nous pardonra en son trosne haultin

Sadoch prestre de la loy

Bien soit venu l’empereur trespuissant

Bien soit venu le pris d’humilité

Bien soit venu la fleure florissant

4765Bien soit venu le prince de bonté

Loing temps y a qu’en grant prosperité

Le bon dieu Mars vous tient en saulvegarde

Venés / entrés / Et par humilité

Devotement priés luy qu’il vous garde

Calcas prestre

4770Bien soit venue la beaulté sans farde

Bien soit venu de Mars le deffenseur

Bien soit venue de paiens l’avantgarde

Bien soit venu des crestiens correcteur

Venés / entrés / on vous doit faire honneur

4775Plus qu’à nul prince regnant sur l’hemispher

De nostre loy vous estes protecteur

Aux humbles doulx et au maulvais auster

L'empereur

Seigneurs du temple par raison vive et claire

Je viens icy en toute diligence

4780Pour honorer le bon Mars dieu de guerre

Parquoy devés avoir intelligence

Premier que moy faire l’obeissance

Le collauder à haulte voix serie

De bien orer veux veoir l’experiance

4785Par vostre chant et doulce melodie

Sadoch

Sire. en noz voix / n’a pas grand armonie

Mais pour complaire la vostre majesté

Nous chanterons nous deux par compagnie

Et suplirés de nous l’antiquité

[Sadoch, Calcas]

Gezi garpha balzamithos / melchi marath histrizamme

Eerith baruth athanathos / hyzanoros nabusarden

Iaos bria cenibrogos / iubarigera bacharon

Phylacia hemiphoros / rodosia compithoron

Darethiza cerilogos. phapazimo phizomarum

Fugalia thropophicos. Carpophoro myrmidonum

L'empereur

4790Grandement m’avés inspiré

Et donné consolation

Je ne sçauraie estre empiré

D’ouyr telle modulation

À genoulx par devotion

4795Me veux mettre en humilité

Pour avoir impetracion

De mon faict et iniquité

Je croy que la sublimité

De mon dieu Mars m’escoutera

4800En luy visant la verité

Icy devant commanceray

L'empereur

Treshaultain dieu de puissance infinie

Devant tes yeulx humblement me humilie

Dieu glorieux dis moy ta volunté

4805Ung agneau blanc devant toy sacrifie

Prenés en gré pour pure et digne hostie

Et le reçoy vray dieu par ta bonté

O mon dieu Mars remply de leaulté

Je viens vers vous en grant humilité

4810Vous honorer et faire oblation

Pour vous servir en grande urbanité

Et me garder en vostre saulveté

Que vivre puisse en paix et union

De vostre haulte domination

4815Je suis esté pour bons ferme et valable

Prenés en gré ma presentation

Que je vous fais en jubilation

Ce petit don recepvés agreable

Les faulx crestiens par art decepvable

4820Ont atiré à leur cecte dempnable

Plusieurs paiens pour les tous baptiser

Mais aydant vous. leur seray dommageable

Et tout ce que leur sera profitable

Pour vostre honneur les feray deposer

4825Mon seul voulloir en vous veult reposer

Et tous mes biens les feray disposer

Au sainct service de vostre majesté

Donnés moi grace que vous puisse appaiser

Et mon empire totalement poser

4830Soubz l’estandar de vostre saincteté.

Je te respans le sang en ta presence

Pour moderer ta divine clemence

Ta prescience et bonté bien heurée.

Me soubmettant à ton obeissance

4835Par ton hault bruit et par ta providance

Enlumine mon obscure pensée

Et cy me monstre ma vraye destinée

Et de noz dieux les voluntés obscures

Pour noz paiens qu’ilz tant ont renommée

4840Cy nostre loy sera diminuée

Tu es leur dieu ilz sont tes creatures

O dieu de nature

Plain de bonté pure

Reçoy ma priere

4845Je suis ta facture

Et ta noriture

Totale et entiere

Dis moy la maniere

Jester en arriere

4850Crestiens perilleux

Tien soubz ta banniere

En bonne lumiere

Mes paiens songneux

Vray dieu glorieux

4855Tu es trés heureux

Les astres regnant

Au dessus des cieulx

Qui sont lumineulx

Tu es florissant

4860Tu es tout puissant

Chascun radressant

Soubz ton excellance

Des dieux le plus grant

Qui soit la vivant

4865En grande constance

Par obeissance

Tout à ta plaisance

Vers toy me humilie

Pour ma recompance

4870Donne moy puissance

Faire perdre la vie

À ceste magnie

De ce te supplie

Se sont faulx crestiens

4875Qu’ilz ont grand envie

Par tout Ytalie

Convertir paiens

Tu scés les moiens

Commant ilz sont tiens

4880De longue saison

Multiplie leurs biens

Et metz en tes liens

Crestiens. c’est raison

En ceste maison

4885À tout mon blaison

Vien veoir l’edifice

Pour toy faire ung don

De ce gras mouton

En vray sacrifice

L'empereur

4890Pour mes droitures et mes oblations

Je vous present la somme de mille. as.

Trente quadrans. six millez sestertions

Cent sportutules et cinquante. mnas.

Mille denier. et autant de dragmas.

4895Cent gros d’argent. et troys mil talentz

Vingt myriades. autant de libellas

Dix nommes atticques / pour touz les poursuivans

Sadoch

Puissant monarche voz dons sont excellans

Digne de prandre et memoire en avoir

4900Nostre dieu Mars qui est sur tous les grans

Lassus és cieulx. vous vueille recepvoir

Nemesius

Dieu supernel en divine puissance

Qui tout gouverne la machine du monde

Ciel et la terre par ta grant excellance

4905Et vraie bonté. ou tout bien y habonde

Je te requier / que ta grace / confonde

Ce simulacre. temple des ennemis

Et ceste ydole qu’ilz tiennent belle et blande

Vueille destruyre et perdre son logis

4910Le commun peuple ydolaitre abusé

S’en va demner au perfond des enfers

Par l’adorance de ce corps composé

Des mains des hommes paiens mauldictz pervers

Folz abusé ignorans et iners !

4915Ton filz Jesus. par eulx est contempné

Fais ce dieu Mars retourner à l’anvers

Descendre en bas comme il fust condampné

Maxime conseiller qui est enragie

Vecy le dyable qui hurle

Haroir je voy mon Lucifer

4920C’est ce Nemese qui me brule

Je m’en vois droict en nostre enfer

Dyable venés à croqz de fer

Je suis des vostres ne tardés plus

Menés moy devers Lucifer

4925Et tous les dyables cornus.

Olimpius chevallier

À meschant homme remply d’abus

A tu parlé ou regnyé

Levés le / qu’il me soit batus

Sus tost qui soit manyé

4930Par mon dieu te suys devoyé

Je croy qu’il est mort et oultré

Allons il nous a bien monstré

Qu’il estoit hors de son bon sens

Fuyons ce sont signes evidens

4935Qu’il est du demon tourmenté

L'empereur

Que est cela maulgré ma vie

Est nostre dieu Mars tombé

Villains de faulce progenie

Il estoit ferme et bien plombé